Microsoft 365 , Outlook dhe Teams pësuan ndërprerje për afro 10 orë, çka preku përdorues në të gjithë botën, nga Shtetet e Bashkuara, në Europë. Microsoft tha se ende po punon për të rivendosur shërbimin në serverat e prekur.
Monitoruam statusin e ndryshimeve dhe zbuluam se ato nuk po japin efektin e dëshiruar. Po zhvillojmë strategji alternative për të rritur kapacitetin, duke pasur parasysh çekuilibrat e vazhdueshëm në menaxhimin e trafikut.
Ndërkohë, sipas një drejtuesi, ndërprerja globale e Microsoft-it nuk u shkaktua nga një shkelje e sigurisë kibernetike.
Ne do të vazhdojmë të ndajmë më shumë informacion sapo ta kemi dhe tani për tani mund të konfirmoj se nuk ka asnjë tregues se kjo është rezultat i aktivitetit keqdashës ose kibernetik.
Më parë, Ministri i Punëve të Brendshme i Australisë, Tony Burke bëri të ditur se kompania i kishte thënë se “nuk beson se po merren me një sulm kibernetik”.
Ata besojnë se po veprojnë në disa mënyra të ngjashme me atë që pamë në lidhje me CrowdStrike. Një përditësim që ka shkuar keq.
Burke po i referohej problemit të softuerit të vitit 2024 në firmën e sigurisë kibernetike CrowdStrike që rrëzoi kompjuterët, anuloi fluturimet dhe prishi punën e spitaleve në të gjithë globin, duke shkaktuar miliarda dollarë humbje.
