Këngëtari i njohur Gjesti është takuar së fundmi me imamin Behar Mjekiqi, takim ky që është bërë publik përmes rrjeteve sociale.
Lajmin e ka bërë të ditur vetë imami Mjekiqi, i cili ka publikuar një fotografi nga takimi në llogarinë e tij në Instagram.
Fotografinë e ka rishpërndarë edhe këngëtari në InstaStory, duke ndarë kështu me ndjekësit këtë moment.
Përveç takimit, Gjesti ka pranuar edhe një dhuratë nga imami, i cili i ka dhuruar një kopje të librit të tij me titull “Liria e fjalës dhe media digjitale”.
Këngëtari ka shprehur mirënjohjen për këtë dhuratë, por edhe për mikpritjen e treguar gjatë vizitës në odën e Behar Mjekiqit.
Foto: Gjesti / Instagram
“Faleminderit shumë për dhuratën edhe pritjen në odën e Behar Mjekiqit”, ka shkruar Gjesti.
