Rasti i transmetuar këtë të premte, më 13 nëntor, nga emisioni “Stop” trajtoi problematikën e qytetarit Shefki Qosja nga Librazhdi, i cili denoncoi pranë redaksisë së emisionit një konflikt pronësie me vëllanë e tij, Besnikun.
Katër vëllezërit kishin bërë një ndarje me mirëkuptim të pronës për ndërtimin e banesave, por mosmarrëveshjet për një pjesë të rrugës, kanë sjellë konflikt mes dy vëllezërve.
Denoncuesi pretendon, se Besniku ka vendosur hekura dhe i ka bllokuar hyrjen në banesë, ndërsa ky i fundit këmbëngul, se dokumentet e pronësisë janë të rregullta dhe se ajo pjesë i shërben hyrje-daljes së shtëpisë së tij.
Pas ndërhyrjes së emisionit “Stop”, Bashkia Librazhd premtoi verifikimin e rastit. Në vijim, pengesa me hekura u hoq, ndërsa institucionet përkatëse po shqyrtojnë zgjidhjen përfundimtare të aksesit në banesë, në përputhje me kuadrin ligjor./tvklan.al
