“Kush do ta shohë zhveshur?” Reagimi i Jonës pasi pa mesazhet e vjetra të Doresës që u publikuan nga familjarët e saj
Në Prime-n e së hënës në Big Brother VIP Kosova 5, Jona Krasniqi, është përballur me publikimin e disa mesazheve dhe deklaratave të vjetra që influencuesja Doresa dyshohet se kishte bërë për të vite më parë.
Bëhet fjalë për disa ‘screenshot’-e të publikuara në Instagram nga familjarët e Jonës, të cilët menaxhojnë llogarinë e saj gjatë qëndrimit në shtëpinë më të famshme në Kosovë.
Gjatë spektaklit, Jonës iu prezantuan postimet dhe komentet që pretendohet se Doresa kishte bërë në rrjetet sociale, ku shfaqeshin deklarata fyese dhe ofenduese ndaj saj.
Banorja pati mundësinë t’i shihte nga afër të gjitha këto materiale, të cilat familjarët e saj i kishin bërë publike për të treguar edhe anën tjetër të historisë mes dy vajzave.
Sipas postimeve të shumta të publikuara, shihet se Doresa kishte shkruar fyerje dhe ofendime të rënda ndaj Jonës.
“E ka kap shejtani këtë çikë, fle me krejt botën, pin bar e pin alkool, derisa i bjen truni, po ben sikur sikur eshte studente e mençur”, ishte vetëm një prej deklaratave të Doresës për Jonën, e publikuar nga familjarët e kësaj të fundit.
“Kam edhe një video si prove për Fatjonën, si po pothet me një tip në parking edhe për çikat e tjera të grupit ka me dalë e vërteta. Rrini gati”, thuhet në një tjetër postim.
360grade.al
