Kryebashkiaku i burgosur i Tiranës, del haptas kundër kryeministrit Edi Rama, duke kërkuar mocion mosbesimi ndaj tij në Asamblenë e PS- së. Pas minuta para orës 10, kur zyrtarisht duhet të nisë punimet Asambleja e PS- së, Veliaj ka publikuar në rrjetet e tij sociale, fjlaimin që do të mbante nëse do ti mundësohej pjesëmarrja në Asamble.
Erion Veliaj shkruan: PARTIA SOCIALISTE ËSHTË MË E MADHE SE KRYETARI I SAJ! Sot, nga qelia ku më kanë kyçur vetëm trupin, iu drejtova Asamblesë Kombëtare të PS-së me një fjalim për atë që ishim, atë që jemi bërë dhe atë që duhet të bëjmë. Quo Vadis, PS? Pse kemi zëvendësuar debatin me heshtjen, solidaritetin me frikën dhe meritokracinë me besnikërinë personale? Në fjalimin tim kërkoj debat të hapur, llogaridhënie për mënyrën e drejtimit të partisë dhe aktivizimin e procedurës statutore të mocionit të mosbesimit ndaj kryetarit të PS-së, Edi Rama. “Prova e vërtetë e një drejtuesi nuk është sa gjatë arrin ta mbajë pushtetin, por çfarë institucionesh lë pas, për shtetin dhe njerëzit e tij.”
KLIKONI KËTË LINK PËR TË LEXUAR TË PLOTË FJALIMIN QË DUHEJ TË MBANTE ERION VELIAJ NË ASAMBLENË E PS
