Kreu i PD, Sali Berisha komentoi sot caktimin e ministrit të Brendshëm si kordinator politik i PS për Tiranën. Rama ka caktuar Ervin Demon në Tiranë, sepse ky kriminel është i aftë të kryejë çdo krim, tha Berisha në një komunikim me ndjekësit e tij në rrjete sociale.
PJESË NGA KOMUNIKIMI/ Jorgo Cani: Rama ka vënë në Tiranë drejtues politik Ervin Demon, njeriun që dhunoi rininë. Mos vallë pas kësaj është plani për të ushtruar terror në zgjedhje? Dhe tjetra, ka marrë peng në asamble të gjithë anëtarët në Lalëz. Sipas medieve, u ka bllokuar valët e celularit, u ka fikur telefonat dhe nuk lë të dalë askush. Çfarë po kurdis ky i rrjedhur?
Sali Berisha: Së pari, ka vënë Ervin Demon sepse konstatoi që ky kriminel gjatë fushatës është i aftë të kryejë çdo krim.
Dhe sigurisht vendosja e tij është një sfidë për konfliktualitet të madh.
Është një kushtrim dhe thirrje për qytetarët e Tiranës të ngrihen përsëri në përballje me regjimin.
Ndërsa, për asambleistët e tij, mund të them se në tërësi ata janë një kolektivitet shumë herë më kriminal se banorët e burgut të Peqinit apo të Fierit.
A e morët vesh ju pse u thirr princesha e burgut, Sara Mile në SPAK?
Sepse drejtoresha e ndihmave sociale në Peqin, me urdhër të saj, sipas regjistrimeve, ka përdorur ndihmat sociale qartësisht për vota. Për të blerë vota!
A e dini ju që gjatë fushatës elektorale në qarkun e Elbasanit janë rrahur nga banda të gjithë kryetarët e bashkive socialistë, përveç atij të Gramshit, i cili e kishte vëllanë prokuror dhe kishin frikë se do t’i arrestonte.
Pra, a është Sara mëkatarja më e madhe? Jo, ju them unë, nuk është. Aty ka bosë të krimit, përveç Padrinos, kreu i grupit parlamentar, njeri që sipas dokumenteve shtetërore zyrtare, ka porositur vrasje. Dhe një gjykatëse, një prokuror, kanë vendosur të djegin regjistrimin, i cili i përkiste numrit telefonik të Taulant Ballës. Dhe i përkiste emrit Taulant.
Dhe ky është vetëm një nga krimet e Taulant Ballës, i cili në mënyrën më të pafytyrë, si një gangster u tregonte bërrylin në stadium dhjetëra mijëra qytetarëve dhe tifozëve që në unison brohorisnin ‘Rama ik’.r.p
