Legjenda braziliane Ronaldinho do të zbresë nesër në fushë në një ndeshje zyrtare, pas plot 11 vitesh që u tërhoq nga futbolli. Ai ka zbuluar dy arsyet pse pranoi të luajë një ndeshje zyrtare me fanellën e Ravenna në përballjen ndaj Forli, të dielën, në Serie C.

Ronaldinho konfirmoi se “miqësia” e tij me presidentin e Ravenna, Ignazio Cipriani, ishte një nga arsyet kryesore që e shtyu të pranojë këtë përvojë, së bashku me shpresën për të realizuar disa objektiva të përbashkëta në të ardhmen.

“Jam i lumtur që do të mund të kthehem në fushë pas gjithë kësaj kohe të gjatë. Më pëlqen ideja që mund t’i gëzoj këta mbështetës të rinj, të cilët tashmë janë bërë tifozët e mi.

Jam këtu për të përjetuar një përvojë unike, të veçantë dhe ndryshe në jetën time; besoj se do të jetë një ditë e jashtëzakonshme edhe për lojtarët e tjerë, ose të paktën kështu shpresoj”, tha fillimisht Ronaldinho.

Pse pranoi të luante një ndeshje zyrtare 11 vjet pas tërheqjes nga futbolli? Ronaldinho u përgjigj: “Për shkak të miqësisë që kam me Ignazio Cipriani-n, presidentin e Ravenna-s, si dhe për shkak të objektivave që duam të arrijmë në të ardhmen.”