Kryeministri i Kosovës, Albin Kurti, ka përgëzuar futbollistët e përfaqësueses së Kosovës për paraqitjen në ndeshjen ndaj Izraelit, e cila përfundoi me rezultat 0-0.
Përmes një postimi në rrjetet sociale, Kurti e ka vlerësuar lojën e treguar nga “Dardanët” në stadiumin “Fadil Vokrri”, duke thënë se kartoni i kuq i marrë në minutën e 66-të ndikoi në mundësinë që Kosova ta fitonte ndeshjen.
“Përgëzime futbollistëve të Kosovës për lojën e bukur sot në stadiumin ‘Fadil Vokrri’ ndaj Izraelit. Po të mos ndëshkoheshim me karton të kuq në minutën 66, do të mund të shënonim dhe fitonim, por koha nuk kthehet prapa.
Vazhdojmë përpara për fitore në ndeshjet e radhës!”, ka shkruar Kurti.
Kosova mori një pikë nga kjo përballje, duke shkuar në kuotën e gjashtë pikëve pas pesë ndeshjeve në Ligën e Kombeve.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2026 Gazeta Online Insajderi - Të gjitha të drejtat e rezervuara.
