Trump: Kongresi duhet të miratojë fondet për sistemin e ri të kontrollit të trafikut ajror

Presidenti i SHBA-së, Donald Trump, ka theksuar këtë të diele se Kongresi duhet të miratojë fondet për modernizimin e sistemit të kontrollit të trafikut ajror të vendit.

Siç shkruan ai në një postim në Truth Social, presidenti i SHBA-së thekson se nëse kjo bëhet do të jenë në gjendje ta ndërtojnë atë shpejt dhe me efikasitet.

“Do të jetë SISTEMI MË I MIRË në të gjithë botën”, tha ai.

“Ne e kemi filluar tashmë punën, por duhet të bëhet menjëherë, jo gradualisht”, shtoi ai.

Ai gjithashtu nisi një tjetër sulm ndaj ish-presidentit amerikan, duke pretenduar se “administrata Biden na ka kthyer vite prapa!”

Dhjetëra mijëra fluturime u prekën nga problemi që u shfaq të premten. Të premten dhe të shtunën, rreth 16,000 fluturime u anuluan, disa u vonuan dhe mijëra pasagjerë përjetuan shqetësime të jashtëzakonshme.

“Sa herë duhet të ndodhë kjo përpara se Kongresi të ndajë paratë për ta rregulluar atë?” tha Sekretari i Transportit i SHBA-së.

Kujtojmë se gjatë konferencës së djeshme për shtyp, Sekretari i Transportit i SHBA-së, Sean Duffy, kishte mbështetur të njëjtën gjë.

Në mënyrë specifike, Sekretari i Transportit theksoi se 12.5 miliardë dollarët e shpenzuar deri më tani për modernizimin e sistemit të kontrollit të trafikut ajror nuk janë të mjaftueshëm dhe kostoja totale duhet të arrijë në 50 miliardë dollarë.