Kryeministri Michal: Prodhuesi estonez i dronëve në shënjestër të një përpjekjeje sabotimi

Kryeministri estonez, Kristen Michal tha se prodhuesi estonez i dronëve Threod Systems ishte shënjestra e një sulmi sabotimi të urdhëruar nga inteligjenca ruse.

Tentativa e sulmit, e cila ndodhi në orët e para të mëngjesit të së shtunës, synonte të shkaktonte një shpërthim dhe t’i vinte flakën ambienteve të Threod, sipas Shërbimit të Sigurisë së Brendshme të Estonisë.

Në një postim në rrjetet sociale të dielën, Michal tha se dëmet e shumta ishin shmangur falë masave të shtuara të sigurisë dhe një reagimi të shpejtë nga forcat e rendit.

Ai shtoi se sulmuesit e dyshuar janë ndaluar. Mediat lokale raportojnë se tetë persona janë arrestuar në lidhje me incidentin.

“Kjo është pjesë e luftës më të gjerë hibride të Rusisë kundër Evropës, me qëllim uljen e mbështetjes për Ukrainën dhe presionin mbi Rusinë”, shkroi Michal.

E themeluar në vitin 2012, Threod zhvillon dhe prodhon avionë pa pilot dhe sisteme mbikëqyrjeje, të tilla si dronët e saj Eos dhe njësitë elektro-optike eOpic. Kompania ka selinë në Viimsi Parish, pranë kryeqytetit të Estonisë, Talin.

Drejtoria Kryesore e Shtabit të Përgjithshëm të Forcave të Armatosura të Federatës Ruse, ose GRU, është agjencia e inteligjencës ushtarake të Rusisë dhe dyshohet se qëndron pas sulmeve të shumta hibride në territorin evropian vitet e fundit.

Michal tha se Estonia tani po përgatitej të mbyllte potencialisht kufirin e saj me Rusinë për të zvogëluar rreziqet për popullin dhe sigurinë kombëtare.

Meta Boxes

Use up and down arrow keys to resize the meta box pane.

Yoast SEO