Në treg gjenden produkte të shumta për pastrimin e pjesës së brendshme të veturës, por jo gjithmonë është e nevojshme të shpenzoni para për produkte të specializuara.
Një alternativë e thjeshtë dhe ekonomike është soda e bukës, e cila mund të ndihmojë në largimin e njollave dhe aromave të pakëndshme nga ulëset e veturës.
Për të përgatitur përzierjen, mjafton të kombinoni dy lugë gjelle sodë buke me një lugë gjelle ujë, derisa të krijohet një masë në formë paste.
Vendoseni përzierjen mbi njollë dhe lëreni të veprojë për 30 sekonda deri në pesë minuta.
Më pas, pastrojeni butësisht me një sfungjer ose furçë dhe largoni mbetjet me një leckë të lagur.
Për njollat më të vështira, përzierja mund të lihet të veprojë deri në 30 minuta.
Megjithatë, nëse vetura ka ulëse prej lëkure, duhet të shmangni fërkimin me sodë buke dhe të ndiqni rekomandimet e prodhuesit.
Soda e bukës largon edhe aromat e pakëndshme
Përveç njollave, soda e bukës mund të ndihmojë edhe në reduktimin e aromave të pakëndshme brenda veturës.
Mjafton të shpërndani pak sodë buke mbi sipërfaqen prej pëlhure, ta lini të veprojë për të paktën 15 minuta dhe më pas ta largoni me fshesë elektrike.
Megjithëse kjo metodë nuk garanton eliminimin e aromave të forta, si ajo e cigareve, mund të jetë efektive për aromat e lehta.
Për papastërtitë më të thella mund të nevojitet pastrim profesional, por për njollat e zakonshme soda e bukës mbetet një zgjidhje e lirë dhe praktike. /Telegrafi/
