Monday / November 16 / 2026
Revista Monitor Logo
hamburger menu icon

mbyll

close icon
Ads
Banka Lajmet Kryesore Nga Vendi

BSH: Inflacioni në muajt e verës u rrit edhe nga… kondicionerët

Share Share Icon

Rritja e numrit të familjeve që konsumuan më shumë se 700 kWh energji dha ndikim në rritjen e inflacionit gjatë verës.

Sipas analizës së Bankës së Shqipërisë, kontributi i kategorisë “Mallra me çmime të rregulluara” u rrit me rreth 0.1 pikë përqindjeje në tremujorin e tretë, i ndikuar nga zëri i pagesës së energjisë elektrike.

Banka e Shqipërisë vëren se, zgjerimi i peshës së familjeve që konsumojnë më shumë se 700 kWh/muaj ka ndikuar në rritjen e çmimit mesatar të energjisë në muajt korrik dhe gusht 2026.

Në tërësinë e vet, rritja e inflacionit gjatë muajve të fundit ka ardhur, në masën më të madhe, nga rritja e çmimeve të naftës dhe të lëndëve të para energjetike, si pasojë e konfliktit në Lindjen e Mesme, si dhe kontributet më të larta të kategorisë së mallrave ushqimore të papërpunuara.

Nga ana tjetër, presionet e brendshme inflacioniste u zbutën, duke reflektuar ngadalësimin e inflacionit të qirave dhe të disa shërbimeve të tjera.

Ky zhvillim përcaktoi edhe trajektoren rënëse të inflacionit brenda tremujorit të tretë: nga niveli 3.4% në korrik, në 3.2% në gusht dhe 2.9% në shtator.

Kontributi i ushqimeve në inflacion u rrit gjatë tremujorit të tretë, duke arritur në 1.1 pikë përqindjeje. Kjo ecuri u ndikua kryesisht nga ushqimet e papërpunuara, kontributi i të cilave u rrit me 0.2 pikë përqindjeje, falë përshpejtimit të ndjeshëm të inflacionit të perimeve.

Edhe kontributi i kategorisë “mallra joushqimore” u rrit me 0.2 pikë përqindjeje krahasuar me tremujorin paraardhës, kryesisht si pasojë e çmimeve më të larta të karburanteve, në reflektim të zhvillimeve në tregjet ndërkombëtare. Inflacioni vjetor i karburanteve u përshpejtua në 21% në muajin shtator, nga 4% në muajin qershor.

Megjithatë, ky ndikim u kompensua pjesërisht nga rënia e inflacionit të një pjese të mallrave të tjera, veçanërisht e veshjeve dhe këpucëve.

Komponentët më të qëndrueshëm të inflacionit ndikuan kryesisht në kahun ngadalësues. Kontributi i kategorisë së strehimit u ul me 0.2 pikë përqindjeje krahasuar me tremujorin paraardhës, duke reflektuar ngadalësimin në 4.7% të inflacionit të qirave, nga 7.2% në tremujorin e dytë.

Ndërkohë, komponentët e tjerë dhanë një kontribut më të ulët prej 0.1 pikë përqindjeje, ku spikati ngadalësimi i inflacionit të shërbimeve të komunikimit celular dhe, në një masë më të moderuar, i shërbimeve të kafeneve dhe restoranteve.

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

DIVA 2025, vijojnë rimbursimet: 1,430 individë përfitojnë 217 mijë euro

Administrata Tatimore vijon procesin e rimbursimit të të ardhurave të deklaruara përmes Deklaratës Individuale Vjetore të të Ardhurave (DIVA) 2025,...

12 hours më parë 1 Min Lexim

Shtresa e mesme po tkurret? Çfarë tregojnë realisht shifrat e INSTAT

Intervistë me Dr. Lantona Sado, Drejtoreshë e Përgjithshme e INSTAT   Konceptet mbi shtresën e mesme dhe pabarazinë ekonomike në Shqipëri ka n...

1 day më parë 14 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!