SHBA dhe nëntë vende partnere nënshkruajnë marrëveshje për sigurinë e teknologjive të IA-së

16 Nëntor 2026 | 08:05

SHBA-të dhe nëntë vende partnere kanë nënshkruar një marrëveshje të re për forcimin e sigurisë së teknologjive kritike dhe zinxhirëve të furnizimit që mbështesin zhvillimin e inteligjencës artificiale (IA).

Marrëveshja, e njohur si Deklarata e San Franciskos mbi Themelet e Sigurta të Prosperitetit të Qëndrueshëm, u nënshkrua nga SHBA-të, Australia, India, Izraeli, Japonia, Koreja e Jugut, Katari, Singapori, Emiratet e Bashkuara Arabe dhe Mbretëria e Bashkuar.

Nisma, e cila zhvillohet në kuadër të programit Pax Silica të udhëhequr nga Uashingtoni, synon të mbrojë teknologjitë e ndjeshme dhe infrastrukturën kritike të nevojshme për zhvillimin e sistemeve të avancuara të inteligjencës artificiale. Në fokus janë rrjetet e transportit, platformat dixhitale, infrastruktura energjetike dhe sistemet logjistike.

Në deklaratë theksohet se siguria ekonomike është një element thelbësor i sigurisë kombëtare. Për këtë arsye, vendet nënshkruese angazhohen të reduktojnë varësitë e tepërta dhe të ndërtojnë zinxhirë furnizimi më të diversifikuar dhe të besueshëm.

Palët kanë rënë dakord gjithashtu për krijimin e grupeve të përbashkëta të punës, të cilat do të fokusohen te politikat e inovacionit, adoptimi i inteligjencës artificiale, bashkëpunimi në zinxhirët e furnizimit dhe siguria.

“Asnjë komb nuk mund t’i sigurojë i vetëm themelet e epokës së SI-së”, deklaroi Departamenti i Shtetit i SHBA-së, duke iu referuar Super Inteligjencës.

Ndërkohë, sipas Financial Times, Gjermania, Suedia, Holanda dhe Komisioni Evropian pritet t’i bashkohen nismës duke nënshkruar deklaratën javën e ardhshme. Lajmi është raportuar duke cituar Jacob Helberg, Nënsekretarin e Shtetit të SHBA-së për Çështjet Ekonomike.

Home Kryefaqja
Shiko në: YouTube
Lajme të Sugjeruara

Oligarkët rusë mendojnë për epokën pas Putinit, tre skenarët për të ardhmen e vendit

Një Rusi pa Vladimir Putin po fillon të imagjinohet nga disa prej biznesmenëve më të pasur të vendit, të cilët, pavarësisht pasurisë së tyre miliardëshe,...
08:09 | 16/11/2026

Nga polic në “Kumbarin” e karteleve meksikane, vdes në burg “Shefi i bosëve”

Miguel Angel Felix Gallardo, një nga bosët më famëkeq të drogës në historinë e Meksikës, ka ndërruar jetë të dielën, më 15 nëntor, në moshën...
08:03 | 16/11/2026

“Kemi fëmijë të dehur kudo”, policia bastis rezidencën 3.2 milionë dollarëshe në SHBA, arrestohen prindërit pas festës me 300 të mitur (VIDEO)

Një çift në Virxhinia të SHBA-së është arrestuar pasi organizoi një festë në rezidencën e tyre luksoze, ku morën pjesë deri në 300 të mitur,...
07:54 | 16/11/2026