Rama në Bruksel për Forumin e Zgjerimit të BE-së, takime me Costan dhe Metsolën

Politikë | 6 minuta më parë

Kryeministri Edi Rama do të marrë pjesë këtë të hënë në Forumin e II-të të Zgjerimit të Bashkimit Evropian, që zhvillohet në Bruksel, nën temën “Evropë më e gjerë – Evropë më e fortë”.

Forumi do të mbledhë përfaqësues dhe aktorë të rëndësishëm për të diskutuar mbi procesin e zgjerimit të Bashkimit Evropian, progresin e vendeve kandidate, Paketën e Zgjerimit të këtij viti, si dhe perspektivën e një Evrope më të zgjeruar dhe më rezistente.

Gjatë aktivitetit, kryeministri Rama do t’i drejtohet panelit me temë “Realizimi i Zgjerimit: Reformat, Investimet dhe Rritja Ekonomike”, ku në fokus do të jenë reformat e nevojshme, investimet dhe zhvillimi ekonomik në kuadër të procesit të integrimit evropian.

Në kuadër të vizitës në Bruksel, kreu i qeverisë shqiptare do të zhvillojë gjithashtu takime me Presidentin e Këshillit Evropian, Antonio Costa, dhe Presidenten e Parlamentit Evropian, Roberta Metsola.

/rtsh.al/


Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.

Të ngjashme