Franca ndalon shitjen dhe përdorimin e fishekzjarrëve pas përshkallëzimit të protestave
Franca ka vendosur të ndalojë përkohësisht shitjen dhe përdorimin e fishekzjarrëve, pas incidenteve të regjistruara gjatë protestave në disa qytete të vendit, ku pajisjet piroteknike janë përdorur kundër forcave të policisë dhe pranë institucioneve arsimore.
Vendimi është bërë publik nga Ministria e Brendshme franceze përmes një njoftimi në platformën X. Ndalimi do të jetë në fuqi deri më 27 nëntor dhe synon të parandalojë përshkallëzimin e situatës dhe cenimin e rendit publik.
Sipas autoriteteve, masa është marrë për të shmangur incidente të tjera gjatë bllokadave pranë shkollave të mesme dhe universiteteve, si dhe gjatë tubimeve dhe demonstratave në të gjithë vendin.
Protestat në Francë kanë nisur që në muajin shtator, fillimisht me kërkesat e studentëve për rinovimin e godinave shkollore, shtimin e numrit të mësuesve dhe reforma në universitete.
Me kalimin e kohës, lëvizja protestuese është zgjeruar, duke përfshirë edhe pakënaqësitë për rritjen e kostos së jetesës. Në demonstrata janë bashkuar sindikata dhe aktivistë politikë, ndërsa disa prej tyre janë shoqëruar me përplasje të dhunshme mes protestuesve dhe policisë.
Përmes ndalimit të përkohshëm të fishekzjarrëve, autoritetet franceze synojnë të kufizojnë përdorimin e tyre në protestat e ardhshme dhe të garantojnë sigurinë publike.
Estonia nga 1 dhjetori do të mbyllë pikat kufitare me Rusinë, shkak sulmi sabotues ndaj prodhuesit të dronëve
Shkollë për Babagjyshët në Londër, leksione për gjuhën e shenjave dhe si t’u përgjigjen pyetjeve të vogëlushëve
Kundër planeve të qeverisë për financimin e mediave publike, mijëra persona protestojnë në Pragë
- 10:25 Shpërthimi i dytë në 14 ditë, tritol dyqanit të luleve në Tufinë
- 10:15 Vdes 26-vjeçarja në Prizren, po merrej në pyetje nga antidroga kur iu përkeqësua gjendja shëndetësore
- 09:51 “Kosova është e Serbisë”, Kos shpreh keqardhje për këngën që nxiti reagime në Forumin e Zgjerimit
- 09:46 Kurti ndalon tregtimin e energjisë elektrike me kompanitë serbe: Masë e parë ndaj tyre, mund të përshkallëzohet nëse nuk ka reflektim
- 09:37 Kënga serbe “Oj Kosovo, Kosovo” në aktivitetin e BE-së, Kosova kërkon sqarime nga Brukseli
- 09:36 Haxhiu: Presim sqarime nga KE për këngët nacionaliste që u kënduan në hapjen e Forumit të zgjerimit të BE-së