Monday / November 16 / 2026
Revista Monitor Logo
hamburger menu icon

mbyll

close icon
Ads
Bujqësi Lajmet Kryesore Nga Vendi

Ndërprerja e IPARD thelloi hendekun e bujqësisë shqiptare me Rajonin

Share Share Icon

Ndërprerja e programit IPARD ka ulur ndjeshëm mbështetjen për investime në bujqësinë shqiptare, duke e lënë vendin me një nga nivelet më të ulëta të financimit për modernizimin e sektorit në rajon.

Banka Botërore vlerëson se ndërprerja e zbatimit të IPARD reduktoi ndjeshëm disponimin real të fondeve për investime, ndërsa financimi i munguar nuk u zëvendësua nga skemat kombëtare në vitin 2023. Megjithëse fondet e alokuara nga Bashkimi Europian mbetën në dispozicion, ato nuk mund të përdoren për financimin e investimeve nga vendi ynë në kushtet e ndërprerjes së programit.

Për pasojë, grantet për investime dhe masat e zhvillimit rural pothuajse u zhdukën nga struktura e mbështetjes bujqësore, ndërsa buxheti i Shqipërisë u përqendrua kryesisht te subvencionet afatshkurtra për kostot e prodhimit, veçanërisht karburantin dhe mbështetjen e kufizuar për blegtorinë.

Fondet IPARD kanë rëndësi të veçantë për bujqësinë, pasi mbulojnë përmes granteve të pakthyeshme nga 50% deri në 70% të kostove të pranueshme të investimeve. Ato mund të përdoren për modernizimin e fermave, blerjen e pajisjeve, përpunimin dhe tregtimin e produkteve bujqësore, diversifikimin e aktiviteteve rurale dhe zhvillimin e zinxhirëve të prodhimit ushqimor.

Mungesa e aksesit në këto fonde rëndon veçanërisht mbi fermerët dhe sipërmarrjet e vogla, që kanë mundësi të kufizuara për të financuar investimet me kredi.

Sipas Bankës Botërore, tregu shqiptar i financimit bujqësor vazhdon të karakterizohet nga fragmentimi i fermave, informaliteti dhe problemet me kolateralin. Bankat përqendrohen kryesisht te bizneset më të mëdha agro-ushqimore, ndërsa institucionet mikrofinanciare mbulojnë një pjesë të rëndësishme të kreditimit rural, me norma interesi që mund të tejkalojnë 20%.

Në mungesë të financimit nga IPARD dhe me garanci të kufizuara nga shteti, mundësitë për investime mbeten të pakta, sidomos për fermerët e vegjël.

Sipas studimit, ndërprerja e IPARD ka nxjerrë më në pah dobësinë e skemave kombëtare, të cilat ndryshojnë shpesh nga një vit në tjetrin dhe nuk ofrojnë parashikueshmëri për investimet afatgjata.

Përveç ndikimit financiar, mungesa e zbatimit të IPARD pengon edhe forcimin e kapaciteteve institucionale. Banka Botërore thekson se agjencitë e akredituara për administrimin e fondeve europiane kanë luajtur rol të rëndësishëm në përmirësimin e procedurave, disiplinës financiare, transparencës dhe sistemeve të kontrollit në vendet e rajonit.

Për Shqipërinë, raporti rekomandon rikthimin e një kuadri të qëndrueshëm mbështetjeje për investimet dhe marrjen e akreditimit për IPARD, duke i konsideruar këto ndër prioritetet strategjike të politikës bujqësore.

Për periudhën 2021–2027, Bashkimi Europian ka parashikuar gjithsej 560 milionë euro për programin IPARD III në katër vendet e Ballkanit Perëndimor. Sipas Komisionit Europian, pjesën më të madhe e ka Serbia, me 288 milionë euro, e ndjekur nga Shqipëria me 112 milionë euro, Maqedonia e Veriut me 97 milionë euro dhe Mali i Zi me 63 milionë euro.

Megjithatë, ndryshe nga tri vendet e tjera, Shqipëria nuk e ka nisur ende zbatimin e IPARD III, për shkak të mungesës së autorizimit për administrimin e fondeve. Banka Botërore vlerëson se ndërprerja e programit ka reduktuar ndjeshëm financimin për investime në bujqësinë shqiptare, pa u kompensuar nga skemat kombëtare./ B.Hoxha

 

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Pension buxhet para kulete varferi

Shqipëria ndan më pak të ardhura për më të varfrit se i gjithë rajoni

Shqipëria ka nivelin më të ulët të të ardhurave që përfiton shtresa më e varfër e popullsisë në krahasim me të gjitha vendet e Ballkanit Perëndimor...

5 hours më parë 4 Min Lexim

Ulja e pragut të TVSH, kontabilistët: Nga 1 janari fermerët do të humbasin kompensimin 10%

Propozimi me paketën fiskale për përgjysmimin e pragut të patatueshëm për regjistrimin në TVSh pritet të prekë edhe fermerët me daljen nga skema ko...

5 hours më parë 11 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!