Presidentja e Komisionit Evropian, Ursula von der Leyen, e ka vlerësuar procesin e zgjerimit të Bashkimit Evropian si një forcim të vetë unionit. Sipas saj, anëtarësimi i vendeve të reja do ta bëjë atë më të fortë. Qëndrimi u përcoll gjatë Forumit të dytë për Zgjerimin e BE-së, që po zhvillohet në Bruksel, në prani edhe të komisioneres për Zgjerimin, Marta Kos. Në qendër të fjalës së saj ishte perspektiva evropiane e vendeve kandidate.
Aty u trajtua edhe rëndësia e afrimit të Ballkanit Perëndimor me tregun e përbashkët evropian, sipas Komisionit Evropian. Ky zgjerimi i BE-së synon t’i japë unionit më shumë forcë, sipas presidentes së Komisionit Evropian. Forumi mban titullin “Evropa më e gjerë – Evropa më e fortë” dhe mbledh liderë politikë, përfaqësues të shoqërisë civile, të rinj dhe përfaqësues të biznesit nga vendet anëtare të BE-së dhe ato që aspirojnë anëtarësimin.
Pjesë e aktivitetit janë edhe Ambasadorët e Rinj Evropianë nga vendet e zgjerimit. Von der Leyen theksoi se Evropa ka një mundësi të rëndësishme për të bashkuar popujt e saj. Ajo foli edhe për ndërtimin e një Bashkimi ku më shumë qytetarë të jetojnë në liri, ndërsa fëmijët të rriten në paqe dhe prosperitet.
“Ne kemi një shans për t’i bashkuar popujt e Evropës. Për të ndërtuar një Bashkim ku më shumë evropianë mund të jetojnë në liri, ku fëmijët mund të rriten në paqe dhe prosperitet dhe ku ne mund të vendosim vetë për të ardhmen tonë”, u shpreh presidentja e Komisionit Evropian. Ajo vlerësoi gjithashtu potencialin e të rinjve nga Ballkani Perëndimor. Talentet e tyre mund të sjellin vlera të reja në tregun e përbashkët evropian, theksoi ajo.
