Liverpooli nis negociatat me Atletico Madridin për yllin e skuadrës që ka klauzolë lirimi prej 500 milionë eurove

Liverpooli ka nisur bisedimet për transferimin e mesfushorit të Atletico Madridit, Pablo Barrios, i cili është shndërruar në një prej objektivave të klubit anglez për përforcimin e repartit të mesfushës.
“The Reds” po shqyrtojnë mundësitë për të përforcuar skuadrën, pas një fillimi jo të qëndrueshëm të sezonit nën drejtimin e trajnerit Andoni Iraola, i cili mori drejtimin pas largimit të Arne Slotit.
Liverpooli aktualisht renditet në vendin e katërt në Ligën Premier, me 18 pikë pas 10 ndeshjeve të para, nëntë më pak se lideri Arsenal. Skuadra ka regjistruar dy humbje dhe tri barazime, duke bërë që drejtuesit të mendojnë për përforcime të reja.
Pas largimeve të Mohamed Salah, Andy Robertson dhe Ibrahima Konate, klubi anglez po planifikon fazën e radhës të rindërtimit të skuadrës, me mesfushën që është një prej reparteve ku synohet ndërhyrja.
Sipas “ITK Space”, Liverpooli ka zhvilluar bisedime me agjencinë CAA Stellar rreth mundësisë së transferimit të Pablo Barrios nga Atletico Madridi.
🚨 EXCL: Pablo Barrios has emerged as a significant subject of discussion between Liverpool and CAA Stellar in recent weeks, with the agency representing both the Atlético Madrid midfielder and Liverpool’s own Lewis Koumas.The longstanding relationship between Liverpool and CAA Stellar, built not only through Koumas but also through historic ties between the parties, naturally provides a regular channel of communication, but the Spanish midfielder’s name has featured far more prominently in those conversations than many might expect, and there is considerably more to this story than has emerged so far.
— Space | ™ (@ITKSpace) November 12, 2026
Mesfushori 23-vjeçar i Kombëtares së Spanjës është shndërruar në një lojtar të rëndësishëm në skuadrën e Diego Simeones. Ai ka regjistruar 153 paraqitje me klubin madrilen, duke realizuar tetë gola dhe 11 asistime.
Raportohet se marrëdhënia ekzistuese e Liverpoolit me agjencinë CAA Stellar, e cila përfaqëson edhe Lewis Koumas, mund të lehtësojë kontaktet e mëtejshme. Emri i Barrios thuhet se është diskutuar së fundmi mes klubit anglez dhe përfaqësuesve të tij.
Megjithatë, Atletico Madridi ndodhet në një pozitë të favorshme negociuese, pasi futbollisti ka kontratë deri në qershor të vitit 2030. Ndërkohë, marrëveshja përmban edhe një klauzolë lirimi prej 500 milionë eurosh.
Në garë për shërbimet e mesfushorit është edhe Manchester Unitedi, i cili raportohet se tashmë ka bërë një kërkesë për informacion rreth mundësisë së transferimit të tij në vitin 2027./Telegrafi/










































