Këlliçi: Skandali në Bruksel me këngën nacionaliste serbe duhet hetuar, nuk është gabim muzikantësh

Këlliçi: Skandali në Bruksel me këngën nacionaliste serbe duhet hetuar, nuk është gabim muzikantësh

11:54, 16/11/2026
ZMADHO TEKSTIN
+ Aa -

Nënkryetari i Partisë Demokratike, Belind Këlliçi, kërkon hetim të plotë nga Brukseli pas transmetimit të një kënge nacionaliste serbe kundër Kosovës në Forumin e Zgjerimit të Komisionit Europian.

Në postimin e tij në Facebook, Këlliçi thekson se ky nuk është një "gabim i muzikantëve" siç po paraqitet, por një provokim i qëllimshëm në një aktivitet ku Kosova as nuk ishte e ftuar.

Gjithashtu, ai kritikon ashpër heshtjen e delegacionit shqiptar në BE, duke kërkuar që raportet e kryeministrit Rama me Beogradin të mos pengojnë reagimin zyrtar për mbrojtjen e interesave kombëtare.

Postimi i plotë:

Skandali në Bruksel me këngën nacionaliste serbe duhet hetuar, nuk është gabim muzikantësh!!!

Skandali në Forumin për Zgjerimin të mbajtur në Bruksel nga Komisioni Europian, ku është transmetuar një këngë nacionaliste serbe që bën thirrje kundër Kosovës dhe shpreh pretendimet e tyre territoriale, është më shumë se sa një gabim i muzikantëve siç po përpiqet ta zvogëlojë komisionerja Kos.

Nëse një aktivitet bëhet në emër të pajtimit, atëherë provokimi i rëndë me atë këngë të vitit 1989 është i qëllimshëm, e pikërisht në një aktivitet ku Kosova nuk është as e ftuar.

Brukseli duhet të ndërmarrë hapa më të fortë për të analizuar se si kjo ndodhi dhe për ta dënuar aktin dhe kush fshihet pas tij.

Nga ana tjetër, edhe përfaqësuesit e shtetit shqiptar në Bruksel do të duhet të kishin reaguar dhe të kishin mbajtur qëndrim për këtë incident të rëndë.

Raportet speciale të Ramës me Vuçiç, sidomos tani që autokrati i Beogradit nuk është më në pushtet, nuk mund ta pengojnë delegacionin tonë në BE që ta dënojë aktin e të kërkojë sqarime.

© SYRI.net

Lexo edhe:

Denonco