Kombëtarja shqiptare triumfoi të dielën në Budapest ndaj Bjellorusisë me rezultat 2-0. Ky sukses i dha mundësinë skuadrës të mbyllte grupin në vendin e parë, çka sjell ngjitjen në Ligën B për edicionin e ardhshëm të Nations League dhe hyrjen në vazon e tretë të kualifikueseve për Euro 2028.
Portali i specializuar i statistikave, Sofascore, vlerësoi skuadrën me një notë mesatare 7.93. Futbollisti më i vlerësuar ishte Rey Manaj, që shënoi golin e parë kundër Bjellorusisë dhe arriti në 15 gola me kombëtaren, duke u renditur si shënuesi i dytë më i mirë në historinë e kuqezinjve; nota për të ishte 8.6. Pas tij renditet Elseid Hysaj me notën 7.9, i cili shënoi golin e dytë për skuadrën.
Me një notë mbi 7 u vlerësuan edhe titullarët e tjerë: Berisha, Gjimshiti, Mitaj, Pilo, Shehu dhe Arbër Hoxha. Lojtarët që morën notë nën 7, por që portali i konsideroi me një vlerësim të mirë, ishin Asllani, Laci dhe Ismajli. Mes atyre që u aktivizuan si zëvendësues dhe morën vlerësime pozitive ishin Hasa, Uzuni dhe Daku.
Raporti për notat e lojtarëve dhe performancën e ekipit u publikua nga Top Channel.

