Rritet konsumi i energjisë elektrike, ASK publikon shifrat e importit dhe eksportit për shtator

Agjencia e Statistikave të Kosovës (ASK), ka publikuar statistikat e energjisë për muajin shtator 2026, sipas të cilave prodhimi bruto i energjisë elektrike nga era dhe ajo solare është rritur për 96.23% krahasuar me të njëjtën periudhë të vitit të kaluar.

Sipas ASK-së, prodhimi bruto i energjisë elektrike nga këto burime në shtator arriti në 38.16 gigavat-orë (GWh).

Ndërkaq, energjia elektrike bruto në dispozicion ishte 467.69 GWh, që paraqet rritje prej 4.42% krahasuar me shtatorin e vitit 2025.

Edhe konsumi i energjisë elektrike ka shënuar rritje. Në shtator 2026, konsumi arriti në 386.10 GWh, apo 10.74% më shumë se në të njëjtin muaj të vitit paraprak.

ASK ka bërë të ditur se pjesëmarrja e energjisë elektrike alternative në konsumin e përgjithshëm ishte 11.20%.

Sa i përket tregtisë së energjisë elektrike, importi gjatë këtij muaji ishte 308.37 GWh, ndërsa eksporti arriti në 274.23 GWh, ku kjo sasi përfshin edhe energjinë e transmetuar.

Ndërkohë, prodhimi i thëngjillit në shtator 2026 ishte 509 mijë e 853 tonë, duke shënuar rënie prej 1.12% krahasuar me shtatorin e vitit 2025.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika