Francezi Diallo do të kandidojë për presidentin e FIFA-s, duke sfiduar Infantinon
UEFA ka zgjedhur kandidatin e saj për presidencën e FIFA-s: francezin Philippe Diallo, aktualisht në krye të Federatës Franceze të Futbollit (FFF). Vendimi u mor gjatë një mbledhjeje të Komitetit Ekzekutiv, i cili shprehu “mbështetje të plotë dhe unanime” për Diallo, në prag të zgjedhjeve të planifikuara për marsin e ardhshëm.
Me afrimin e afatit të fundit për dorëzimin e kandidaturave këtë të mërkurë, dhe pas refuzimit të Arsène Wengert për të kandiduar, UEFA e ka identifikuar zyrtarin francez si personin që do të sfidojë presidentin aktual, Gianni Infantino, i cili synon një mandat të katërt.
Diallo e ka pranuar ftesën dhe kandidatura e tij do të ratifikohet zyrtarisht nga Komiteti Ekzekutiv i Federatës Franceze të Futbollit në mbledhjen e nesërme.
Diallo zotëron përvojë të gjerë në sektorë të ndryshëm të futbollit. Në të kaluarën, ai ka drejtuar organizatën që përfaqëson klubet profesioniste franceze, ka qenë anëtar i bordit të Ligës Profesioniste të Futbollit Francez dhe ka punuar pranë organeve të FIFA-s përgjegjëse për zgjidhjen e mosmarrëveshjeve. Në vitin 2023, ai u bë president i Federatës Franceze të Futbollit dhe anëtar i Komitetit Ekzekutiv të UEFA-s.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
Komentet 0
Ende nuk ka komente. Bëhuni i pari që komenton.



