Tensione janë shënuar gjatë protestës së sotme para Kryeministrisë, ku qytetarët janë përplasur me forcat e policisë, pasi këta të fundit nuk i kanë lejuar të qëndrojnë në mes të bulevardit.
Efektivët kanë kërkuar që protestuesit të zhvendosen në trotuar, duke paralajmëruar se bllokimi i rrugës do të shoqërohet me masa administrative.
Forcat Shqiponja dhe efektivë të tjerë të Policisë i kanë shtyrë me forcë qytetarët drejt trotuarit, pranë selisë së Kuvendit, ku protestuesit kanë vijuar tubimin.
Situata ka krijuar tensione mes qytetarëve dhe uniformave blu, ndërsa protestuesit kanë deklaruar se nuk tërhiqen.












