Jürgen Klopp nuk i fshehu emocionet pas fitores spektakolare 5-0 të Gjermanisë ndaj Holandës, në një ndeshje ku skuadra e tij dominoi dhe dhuroi një paraqitje mbresëlënëse. Trajneri gjerman e cilësoi këtë sukses si një përvojë të jashtëzakonshme, duke pranuar se nuk e kishte imagjinuar një mbrëmje të tillë.
“Çfarë çmendurie ishte sonte! Një ndeshje fantastike futbolli dhe një përvojë e jashtëzakonshme. Nuk do të guxoja as ta ëndërroja një gjë të tillë”, u shpreh Klopp pas përfundimit të takimit.
Tekniku vlerësoi edhe nivelin e kundërshtarit, duke theksuar se Holanda ishte një skuadër shumë e fortë dhe se Gjermanisë iu desh të gjente zgjidhjet e duhura, veçanërisht gjatë pjesës së parë.
“Ishte një ndeshje e jashtëzakonshme kundër një kundërshtari shumë të fortë. Na u desh të përshtateshim dhe të gjenim zgjidhjet tona, veçanërisht në pjesën e parë. Pastaj shënuam gola të pabesueshëm. Ishte fantastike”, deklaroi trajneri.
Një vëmendje të veçantë Klopp i kushtoi edhe dy talenteve Derry Scherhant dhe Brajan Gruda, duke vlerësuar jo vetëm cilësitë e tyre teknike, por edhe përkushtimin dhe punën në shërbim të skuadrës.
“Sa mirë dinë të luajnë këta të dy! Ajo që kanë punuar dhe sa shumë janë angazhuar është e jashtëzakonshme. Kjo është ajo që e bën një skuadër. Edhe të tjerë dinë të luajnë futboll, por rëndësi ka pasioni dhe përkushtimi që jep në fushë”, theksoi Klopp.
Në fund, trajneri foli edhe për përshtypjet e para që kishte krijuar për ekipin kur mori drejtimin e tij gjatë verës. Ai pranoi se ishte lidhur menjëherë me grupin, duke vlerësuar cilësitë e futbollistëve dhe karakterin e tyre.
“Kur erdha në verë, pata ndjesinë se duhej ta shihje Gjermaninë me sy tjetër për ta vlerësuar. Por sapo mbërrita, u dashurova menjëherë me këtë skuadër. Kemi futbollistë të mrekullueshëm dhe karaktere fantastike. Kemi një ide të mirë loje. Nëse arrijmë t’i vëmë në lëvizje talentet tanë, nuk do të jetë aspak e lehtë të luash kundër nesh. Na duhet vetëm besim”, përfundoi Klopp.
© SYRI.net
Stafi i Pochettinos ka mbërritur në Manchester, tek Man. United e presin ditë intensive
Xavi pas humbjes 5-0 ndaj Gjermanisë: Ishte e turpshme, 99% e disfatës erdhi nga mungesa e vlerave tona
VIDEO/ Gjermania me ‘5 yje’ turpëron Holandën, Brajan Gruda shkëlqen me gol dhe dy asisteBëje LIKE dhe merr lajmin e fundit nga Sporti: