Robert Pattinson është emri që po lidhet me rolin e ri të James Bondit, agjentit sekret më të famshëm në historinë e kinemasë.

Aktori britanik, i njohur për interpretimet në filmat “Twilight”, “The Batman” dhe “Harry Potter”, është përfolur si pasardhësi i Daniel Craig, i cili e interpretoi agjentin 007 në pesë filma.

Projekti i ri i sagës James Bond pritet të sjellë një qasje të re ndaj personazhit legjendar, ndërsa regjinë pritet ta marrë Denis Villeneuve, i njohur për filmat “Dune” dhe “Blade Runner 2049”.

Zgjedhja e aktorit ka ngjallur interes të madh te adhuruesit e kësaj sage, të cilët presin të shohin se si do të duket versioni i ri i agjentit 007.

Pattinson, i cili ka ndërtuar një karrierë të suksesshme në Hollywood, mund të përballet kështu me një nga sfidat më të mëdha të karrierës së tij.ku