Demo: Nga 1 janari ulen tarifat e pasaportave dhe kartave të identitetit, për disa kategori
Ministri i Punëve të Brendshme, Ervin Demo, ka firmosur urdhrin për uljen e tarifave të pajisjes me pasaporta dhe karta identiteti për disa kategori qytetarësh.
Vendimi do të hyjë në fuqi më 1 janar 2027 dhe parashikon lehtësira për fëmijët nën 16 vjeç, personat me aftësi të kufizuara dhe qytetarët mbi 65 vjeç.
Sipas vendimit, për fëmijët nën 16 vjeç, tarifa e pasaportës do të ulet nga 7,500 në 6,000 lekë.
Ndërkohë, për personat me aftësi të kufizuara, karta e identitetit do të kushtojë 1,000 lekë, nga 1,500 lekë që është aktualisht, ndërsa tarifa e pasaportës do të ulet në 6,000 lekë.
Lehtësi do të ketë edhe për qytetarët mbi 65 vjeç, të cilët do të paguajnë 1,000 lekë për kartën e identitetit, nga 1,500 lekë që paguajnë aktualisht.
Ministri Demo e cilësoi vendimin si përmbushje të një angazhimi të bërë më herët, gjatë një daljeje publike më 2 tetor, duke theksuar se ulja e kostove duhet të shoqërohet edhe me përmirësimin e shërbimeve publike.
“Për shumë familje, çdo shpenzim ka rëndësi. Prandaj është detyra jonë t’ua lehtësojmë marrjen e shërbimeve publike. Por dua të jem i qartë: qytetarët duhet të paguajnë më pak dhe të shërbehen më mirë!”, u shpreh Demo.
Kreu i Ministrisë së Brendshme theksoi se kjo nismë është pjesë e një angazhimi më të gjerë për ofrimin e shërbimeve më të shpejta, reduktimin e burokracive dhe rritjen e kujdesit ndaj qytetarëve. Ai bëri të ditur gjithashtu se do të ndjekë personalisht zbatimin e vendimit.
“Nuk mund t’i kërkojmë qytetarit të kuptojë vështirësitë e institucionit, nëse institucioni nuk kupton vështirësitë e qytetarit. Më pak kosto, më pak pritje dhe më shumë respekt për qytetarin!”, deklaroi ministri.
Kënga serbe për Kosovën në Bruksel, diskutime në Komisionin e Jashtëm, Shehu: Nuk duhet ta kalojmë në heshtje
Dyshime për përvetësimin e Fabrikës së Miellit, Prokuroria e Vlorës sekuestron 7.5 milionë euro pasuri
Ekstradohet nga Spanja 49-vjeçari i akuzuar për trafikimin e 485 kg kokainë në Fier (EMRI)
- 10:59 Kënga serbe për Kosovën në Bruksel, diskutime në Komisionin e Jashtëm, Shehu: Nuk duhet ta kalojmë në heshtje
- 10:51 Gjykata Speciale e shpall fajtor Hashim Thaçin, e dënon me 17 muaj burgim
- 10:46 Rama nderohet me Çmimin CER Lord Jakobovits në Bruksel: Një vlerësim për promovimin e tolerancës ndërfetare
- 10:34 Ministri Hoxha nga Brukseli: Bashkëpunim për një të ardhme më të sigurt të popullit ukrainas
- 10:32 Dyshime për përvetësimin e Fabrikës së Miellit, Prokuroria e Vlorës sekuestron 7.5 milionë euro pasuri
- 10:28 Gjyqi i dytë ndaj ish-krerëve të UÇK në Hagë, gjyqtari: Thaçi organizoi tri grupe për të ndërhyrë te dëshmitarët