Manchester United përgatitet për një tjetër rindërtim të madh, këtë herë nën drejtimin e Mauricio Pochettinos. Trajneri argjentinas, i cili vjen nga kombëtarja e Shteteve të Bashkuara, ka nënshkruar një kontratë deri në vitin 2029 dhe do të ketë misionin e vështirë për të rikthyer “Djajtë e Kuq” në majat e futbollit anglez.
Projekti i tij nuk do të kufizohet vetëm te puna në fushë. Pochettino pritet të ketë ndikim edhe në vendimet e merkatos, pasi klubi kërkon të ndërtojë një skuadër sipas ideve të tij. Për këtë arsye, largimet do të jenë po aq të rëndësishme sa afrimet.
Në qendër të strategjisë është Marcus Rashford. United shpresonte të përfitonte 36 milionë paund nga shitja e tij te Barcelona, por marrëveshja nuk u konkretizua. Tani klubi duhet të gjejë një zgjidhje për të siguruar të ardhura dhe për të ulur faturën e pagave.
Në pikëpyetje janë edhe të ardhmet e Harry Maguire, Luke Shaw dhe Bruno Fernandes, me portugezin që dëshiron të shohë fillimisht projektin e Pochettinos.
Sa u përket afrimeve, përmenden Antonee Robinson, Nathan Collins, Calvin Bassey dhe Folarin Balogun. Megjithatë, emri më i bujshëm është Julián Álvarez. Sipas “TNT Sports”, sulmuesi i Atlético Madrid është objektivi i ëndrrave për ofensivën e re të United.
