Laçi dhe Skënderbeu janë dy skuadrat e para që kanë siguruar një vend në turin tjetër të Kupës së Shqipërisë, pas fitoreve ndaj Shirokës dhe Apolonisë.
Kurbinasit nuk hasën vështirësi përballë Shirokës, duke triumfuar me rezultatin 3-0 në ndeshjen e zhvilluar në shtëpi. Laçi kaloi në avantazh që në minutën e 13-të me anë të Tolës, ndërsa në pjesën e dytë Nerguti në minutën e 71-të dhe Bibo në të 80-ën vulosën suksesin e vendasve.
Më shumë emocione pati në përballjen mes Skënderbeut dhe Apolonisë, ku u desh koha shtesë për të përcaktuar skuadrën e kualifikuar. Koha e rregullt përfundoi pa gola, ndërsa fierakët kaluan të parët në avantazh me Sulo në minutën e 94-t.
Megjithatë, korçarët reaguan dhe përmbysën gjithçka brenda kohës shtesë. Ndiaje barazoi shifrat në minutën e 104-t, ndërsa Drame shënoi golin vendimtar në minutën e 116-të, duke i dhënë Skënderbeut fitoren 2-1 dhe biletën për në fazën tjetër.
Kështu, Laçi dhe Skënderbeu bëhen ekipet e para të kualifikuara, ndërsa Shiroka dhe Apolonia i japin fund aventurës së tyre në këtë edicion të Kupës së Shqipërisë.
Rezultatet:
Skënderbeu 2-1 Apolonia (Ndiaje 104', Drame 116' / Sulo 94')
Laçi 3-0 Shiroka (Tola 13', Nerguti 71', Bibo 80')
© SYRI.net
Leipzigu përgatit transferimin përfundimtar të Brajan Grudës, Bayerni mbetet në pritje
Tragjedi në Argjentinë, futbollisti 17-vjeçar humb jetën pas goditjes së topit në kokë gjatë ndeshjes
Zgjedhjet për kreun e FIFA-s, kush janë rivalët e Infantino-s? Diallo, Vega dhe Tashima sfidojnë presidentin aktualBëje LIKE dhe merr lajmin e fundit nga Sporti: