Zinedine Zidane, pasi fitoi ‘finalen’ e tij të parë me Francën, nuk ishte shumë i kënaqur me paraqitjen e ‘bleus’ të tij në fitoren 2-1 në Nations League kundër Turqisë.
Pas këtij rezultati, Franca mund të përballet me Spanjën në çerekfinalet e Ligës së Kombeve.
Ish-lojtari i Real Madridit duhej t’u jepte lojtarëve të tij një vërejtje në pushim.
Zidane ngriti zërin në pushim për të treguar aspekte për t’u përmirësuar pas humbjes së topit.
Për më tepër, ai mendonte se skuadra po e mbante topin shumë.
“Trajneri na tha në pushim se nuk na shihte si mjaftueshëm agresivë pas humbjes së topit, dhe ne e korrigjuam këtë në pjesën e dytë”, konfirmoi Zheremi Zhake.
Lojtari i Liverpulit shpjegoi se trajneri nuk i kish bërtitur, por thjesht kish ngritur zërin në pushim për të treguar aspekte që duhen përmirësuar pas humbjes së topit. Në të njëjtën kohë ka qenë vetë Zidane ai që ka konfirmuar këtë fakt.
“Kur nuk sheh gjëra të caktuara në fushë, ndihesh pak i frustruar.
Qëllimi ishte të kualifikoheshim, nëse ishte e mundur, si të parët në grup. Megjithatë, sa i përket lojës, na lë pak të hutuar, sidomos për shkak të mënyrës si shtymë në pjesën e parë… Sidomos kur jemi nën presion, sepse i lejuam të na kalonin me pasime të gjata. Nuk ishim aspak të mirë në presion. E korrigjuam në pushim dhe pastaj përmirësuam.
Këto janë aspekte në të cilat ende duhet të përmirësohemi. Nuk isha i lumtur, as lojtarët. Por ne e kemi korrigjuar shumë në pjesën e dytë”, ka thënë ai. Trajneri i Francës pranoi se kemi pësuar shumë, veçanërisht në pjesën e pare.
“Në ndeshjet e tjera, kjo pothuajse nuk ndodhte. Nuk varet nga një ose dy lojtarë. Këto janë mekanizma që duhet t’i rregullojmë. Presioni duhet të ushtrohet të gjithë së bashku. Duhet të mbajmë posedimin. Na pëlqen të vrapojmë me topin, jo pa të; Kjo nuk shkon me ne. Në pjesën e dytë bëmë më mirë, dhe duhet të vazhdojmë kështu”, ka përfunduar Zizu.
© SYRI.net
Goditje për La Ligën, Gjykata Supreme i jep të drejtë Real Madridit për marrëveshjen e investimit
Trajneri i Interit/ Kivu: Krahasimi me Murinjon më vë në siklet
De La Fuente paralajmëron rivalët: Më e mira e Spanjës ende nuk ka ardhurBëje LIKE dhe merr lajmin e fundit nga Sporti: