Kuqezinjtë dhe dardanët pozicionohen në të njëjtën vazo përpara shortit të 6 dhjetorit në Belfast. Irlanda siguron vendin në vazon e dytë, ndërsa Kosova zbret një shkallë më poshtë.

Shtohen qartësitë për ndarjen e vazove në shortin e eliminatoreve të Kampionatit Europian 2028. Sipas projeksionit të publikuar nga Football Meets Data, bazuar në renditjen e ndërmjetme të Ligës së Kombeve, Shqipëria dhe Kosova do të pozicionohen në vazon e tretë.

Për kuqezinjtë ky është një pozicion që i vendos në një grup me disa prej përfaqësueseve të njohura të futbollit europian, ndërsa për Kosovën vjen një zhvillim jo pozitiv: dardanët zbresin nga vazoja e dytë në të tretën. Irlanda është skuadra e fundit që ka siguruar matematikisht pozicionin në vazon e dytë.

Në total, 54 përfaqësueset janë ndarë në pesë vazo. Katër të parat përmbajnë nga 12 skuadra, ndërsa vazoja e pestë ka gjashtë përfaqësuese. Ndarja bazohet në renditjen e ndërmjetme të Ligës së Kombeve dhe, sipas tabelës, skuadrat e shënuara me simbolin e gjelbër e kanë siguruar matematikisht pozicionin e tyre, pavarësisht rezultateve të mbetura.

Ndarja e projektuara e vazove:

  • Vazoja 1: Anglia, Portugalia, Franca, Gjermania, Spanja, Belgjika, Holanda, Norvegjia, Greqia, Italia, Danimarka, Kroacia.

  • Vazoja 2: Uellsi, Serbia, Turqia, Çekia, Zvicra, Suedia, Austria, Irlanda e Veriut, Sllovenia, Bosnjë-Hercegovina, Hungaria, Irlanda.

  • Vazoja 3: Ukraina, Skocia, Kosova, Polonia, Izraeli, Rumania, Gjeorgjia, Maqedonia e Veriut, Mali i Zi, Shqipëria, Islanda, Sllovakia.

  • Vazoja 4: Estonia, Bjellorusia, Ishujt Faroe, Qipro, Finlanda, Moldavia, Armenia, Bullgaria, Kazakistani, Luksemburgu, Letonia, San Marino.

  • Vazoja 5: Malta, Azerbajxhani, Lituania, Andorra, Gjibraltari, Lihtenshtejni.

Shorti i eliminatoreve të Euro 2028 do të hidhet më 6 dhjetor 2026, në Belfast, duke nisur nga ora 18:00 (CET). Atëherë do të përcaktohen grupet dhe rrugëtimi i përfaqësueseve drejt turneut final.

Top Channel