Reshjet e dendura të shiut të regjistruara gjatë ditës së sotme kanë sjellë probleme në zonën e Klosit. Në fshatin Dars, prurjet e shumta të ujit kanë bërë që lumi të dalë nga shtrati, duke depërtuar në tokat bujqësore dhe duke përfshirë edhe rrugën.
Situata është shqetësuese për banorët e zonës, pasi dalja e lumit në rrugë ka krijuar vështirësi edhe në qarkullimin e automjeteve dhe lëvizjen e këmbësorëve.
Reshjet e vazhdueshme dhe prurjet e larta të ujit kërkojnë vëmendje të shtuar, ndërsa situata duhet të ndiqet nga strukturat përgjegjëse për të vlerësuar gjendjen në terren dhe për të marrë masat e nevojshme.
Banorët dhe drejtuesit e automjeteve këshillohen të tregojnë kujdes të shtuar dhe të shmangin kalimin në segmentet e mbuluara nga uji.