Arrestohen gjashtë shqiptarë në Belgjikë, zbulohen tre plantacione me lëndë narkotike

Policia belge, ka goditur një rrjet të dyshuar të kultivimit të paligjshëm të kanabisit, gjatë një operacioni të zhvilluar më 9 nëntor në disa zona të vendit.

Sipas mediave belge, kontrollet u ushtruan në pesë banesa në Etterbeek, Evere, Leuven, Overijse dhe Tervuren, në kuadër të një hetimi për një organizatë kriminale të dyshuar për kultivimin e kanabisit.

Të lidhura

None found

Gjatë operacionit, autoritetet zbuluan tre plantacione profesionale, dy prej të cilave ishin në funksion të plotë. Në total u sekuestruan më shumë se 2 mijë bimë kanabisi dhe rreth 55 kilogramë kanabis i korrur.

Gjithashtu, policia gjeti dhe sekuestroi mbi 17 mijë euro para në dorë. Të gjitha plantacionet u çmontuan, ndërsa lënda narkotike u sekuestrua për t’u shkatërruar.

Në pranga përfunduan gjashtë shtetas shqiptarë, të moshave 29 deri në 57-vjeç. Ata u paraqitën para gjyqtarit hetues, i cili vendosi masën e arrestit me burg.

Sipas mediave belge, ky nuk është rasti i parë ku shtetas shqiptarë dyshohen për përfshirje në kultivimin e paligjshëm të kanabisit në Belgjikë.

Në dhjetor të vitit 2025, një gjykatë në Bruksel dënoi me burgim 10 shtetas shqiptarë për kultivim ilegal të kanabisit. Ndërkohë, një hetim i përbashkët i mediave Knack, Le Soir dhe RTBF, i publikuar në qershor 2026, ngriti shqetësimin për zgjerimin e rrjeteve kriminale shqiptare në Belgjikë.

Hetimet për operacionin e fundit vijojnë, ndërsa autoritetet belge po përpiqen të zbardhin përmasat e organizimit dhe aktivitetit të dyshuar kriminal.


Shtuar më 18.11.2026 11:33

Quantcast
deneme bonusuBursa Escortdeneme bonusujojobetgrandpashabetgrandpashabetgrandpashabetgrandpashabetgrandpashabetkahraman haberdeneme bonusu veren sitelercasinofast güncel girişstarzbetonline notarylimanbetgiftcardmall/mygiftextrabetextrabetgrandpashabetgrandpashabetjojobet telegramjojobetjojobetjojobetjojobetjojobet girişjojobet girişjojobet