LIVR/ Samiti i liderëve botërorë në Kinë, shtrëngim duarsh mes tyre! Xi Jinping mirëpret Trumpin, Putin nuk kursehet: Evropa është në rënie poshtëruese Presidenti amerikan Donald Trump pritet të zhvillojë një takim të veçantë me homologun rus Vladimir Putin ditën e enjte në Kinë.
Lajmi bëhet i ditur nga agjencia Associated Press (AP), e cila citon një zyrtar anonim amerikan.
Takimi dypalësh pritet të zhvillohet përveç bisedimeve trepalëshe mes Trump, Putin dhe presidentit kinez Xi Jinping, të cilat janë planifikuar gjithashtu për të enjten.
Nëse konfirmohet, ky do të jetë takimi i parë kokë më kokë mes Trump dhe Putinit që prej vitit 2025, kur dy liderët u takuan në Alaskë për të diskutuar luftën në Ukrainë. Bisedimet e atëhershme nuk arritën të prodhonin një marrëveshje për përfundimin e konfliktit.
Më herët, Trump kishte lënë të hapur mundësinë e një takimi me presidentin rus, si dhe me liderin e Koresë së Veriut, Kim Jong Un. Megjithatë, asnjë prej këtyre takimeve nuk ishte përfshirë në axhendën zyrtare të presidentit amerikan.
Një takim i veçantë mes Trump dhe Putinit do të zhvillohej në një moment të rëndësishëm për diplomacinë ndërkombëtare, veçanërisht për çështjen e luftës në Ukrainë dhe marrëdhëniet mes Uashingtonit dhe Moskës.
Deri tani, raportimi i AP mbështetet në deklaratën e një zyrtari amerikan anonim dhe takimi nuk është konfirmuar zyrtarisht.
Top Channel