“Mos më dërgo puthje”, Vuçiçi ankohet se deputeti i Listës Studentore e ngacmon seksualisht
Një moment i pazakontë është regjistruar në Parlamentin e Serbisë, ku presidenti Aleksandar Vuçiç u përfshi në një përplasje me tone ironike me deputetët e Listës Studentore.
Gjatë një ndërhyrjeje, Vuçiç u ankua se televizioni shtetëror RTS po e censuronte. Reagimi i tij u prit me të qeshura nga deputetët e Listës Studentore, të cilët kanë fituar zgjedhjet parlamentare në Serbi.
Në këtë moment, deputeti Zllatko Kokanoviç vendosi ta provokonte presidentin nga banka ku ishte ulur, duke i dërguar një puthje në distancë.
Vuçiçi reagoi menjëherë, duke e cilësuar gjestin si “ngacmim seksual” dhe duke shtuar se ai nuk ishte “nga ata”, në një referencë të drejtpërdrejtë ndaj homoseksualitetit.
Presidenti serb vijoi me batuta, duke i sugjeruar deputetit që puthjet t’ua dërgonte kolegëve të grupit të tij parlamentar. Në të njëjtën kohë, ai u ngut të sqaronte se nuk kishte asgjë kundër homoseksualëve.
Por episodi u bë edhe më pikant për shkak të personit që ndodhej pas Vuçiçit. Në atë moment, pas presidentit ishte ulur Ana Brnabiç, ish-kryetarja e Parlamentit dhe politikane e deklaruar hapur si lesbike.
Ndërsa Vuçiç vazhdonte komentet e tij, Brnabiç u përpoq disa herë të përmbante të qeshurën, duke e ndjekur me siklet gjithë shkëmbimin që kishte shkaktuar të qeshura në sallë.
Keni një histori? Denonco anonimisht, identiteti juaj mbrohet.
Denonco



