Shqipëria U21 ka dalë pa humbje nga ndeshja miqësore kundër Spanjës U21, e zhvilluar në stadiumin “Air Albania” në Tiranë, megjithëse përballë kishte talente që aktivizohen te Barcelona, Real Madrid dhe Atletico Madrid.
Figura qendrore e këtij takimi ishte portieri Alain Taho, i cili u shndërrua në një pengesë të pakapërcyeshme për sulmuesit spanjollë. Spanja U21 goditi 7 herë në kuadrat, por asnjëherë nuk arriti të shënojë, falë paraqitjes së talentit që luan me Inter U23.
Të lidhura
None found
E përditshmja e njohur spanjolle “Marca”, medie e afërt me Real Madridin, i ka kushtuar fjalë elozhe 19-vjeçarit: “Lojtari më i mirë në fushë i Shqipërisë. Është ai përgjegjësi që Spanja nuk e fitoi këtë ndeshje”.
Me paraqitje të tilla, Taho po tregon çdo herë e më shumë siguri dhe qetësi në portë dhe me këtë ritëm pritet që së shpejti të debutojë me Kombëtaren A. Për më tepër, Interi në Itali e konsideron atë si një alternativë ideale për të ruajtur portën zikaltër në vitet në vijim.






