E enjte, 19 nëntor 2026 DENONCO ANONIM Denonco: +355 69 20 95 843
PUBLIK PUBLIK
Ndotja e Gjanicës në Fier, kompania e naftës dhe drejtuesi teknik përfundojnë në gjykatë
Lajme

Ndotja e Gjanicës në Fier, kompania e naftës dhe drejtuesi teknik përfundojnë në gjykatë

Ndotja e lumit Gjanica në Fier rikthehet në vëmendjen e organeve të drejtësisë. Prokuroria e Fierit ka përfunduar hetimet dhe ka vendosur të dërgojë për gjykim kompaninë e naftës dhe drejtuesin e saj teknik, të dyshuar për ndotjen e ujërave të lumit.

Çështja lidhet me shkarkimin e mbetjeve hidrokarbure në lumin Gjanica, një problem i përsëritur prej vitesh në këtë zonë dhe që ka sjellë shqetësime për ndotjen e mjedisit dhe pasojat ekologjike.

Sipas dyshimeve të ngritura gjatë hetimit, aktiviteti i kompanisë ka shkaktuar ndotjen e ujërave përmes shkarkimit të mbetjeve që vijnë nga përpunimi dhe aktiviteti në sektorin e hidrokarbureve.

Tashmë, pas përfundimit të hetimeve paraprake, Prokuroria ka vendosur që çështja të kalojë në gjykatë, ku do të shqyrtohen provat dhe përgjegjësia penale e të pandehurve.

Ndotja e Gjanicës mbetet një problematikë e vazhdueshme për qytetin e Fierit, pavarësisht ndërhyrjeve dhe investimeve të kryera ndër vite për rehabilitimin e shtratit dhe brigjeve të lumit.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.