Close Menu
Informohu siç duhetInformohu siç duhet
    Lajmet e fundit

    Zvicra planifikon taksë shtesë për cigaret elektronike dhe produktet me nikotinë

    Gonxhja: Projektligji i sponsorizimeve në sport e kulturë, partneritet mes shtetit dhe biznesit

    Bordi i Transparencës cakton çmimet e reja, nafta 201 lekë/litër, benzina 160 lekë

    Facebook X (Twitter) Instagram
    Informohu siç duhetInformohu siç duhet
    • Aktualitet
      • Aktualitet
      • Politike
      • Ekonomi
      • Sociale
      • Fokus
    • Opinion
    • Lifestyle
      • Showbiz
      • Udhetim & Turizëm
      • Kulturë
      • Shëndet
      • Horoskopi
      • Dekor
      • Trende
      • Teknologji
    • Botë
      • Kosovë
      • Rajon
      • Botë
    • Sport
    • Troç
    Youtube
    Informohu siç duhetInformohu siç duhet
    You are at:Home » Gonxhja: Projektligji i sponsorizimeve në sport e kulturë, partneritet mes shtetit dhe biznesit
    Politike

    Gonxhja: Projektligji i sponsorizimeve në sport e kulturë, partneritet mes shtetit dhe biznesit

    November 19, 2026

    Bizneset që sponsorizojnë aktivitete në sport, kulturë dhe art do të mund të përfitojnë lehtësi fiskale deri në 30% të tatim-fitimit të paguar, sipas projektligjit “Për donacionet dhe sponsorizimet”, të shqyrtuar në Komisionin për Edukimin, Shkencën dhe Sportet.

    Zbritja do të ketë kufi maksimal prej 30 milionë lekësh në vit për çdo sponsor dhe një tavan kombëtar prej 2 miliardë lekësh. Gjithashtu, parashikohet mundësia që bizneset të mbështesin drejtpërdrejt sportistët dhe artistët që përfaqësojnë Shqipërinë në aktivitete ndërkombëtare.

    Projektligji synon të nxisë financimin privat të veprimtarive me interes publik, duke vendosur njëkohësisht rregulla të reja për transparencën dhe parandalimin e konfliktit të interesit.

    Ministri i Turizmit, Kulturës dhe Sportit, Blendi Gonxhja, bëri të ditur se mekanizmi i ri fiskal parashikohet të nisë zbatimin në vitin 2027, me efekt në përllogaritjet tatimore të vitit 2028. Lehtësia do të ketë një kufi maksimal prej 30 milionë lekësh në vit për çdo sponsor dhe një tavan kombëtar prej 2 miliardë lekësh.

    “Me këtë projektligj bëjmë një kapërcim konceptual, kalojmë nga modeli i bamirësisë së izoluar drejt një partneriteti strategjik ndërmjet shtetit, biznesit dhe shoqërisë, ku krijohet vlerë e përbashkët ekonomike dhe sociale. Buxheti i shtetit mbetet një instrument themelor, por fondet publike dhe thirrjet vjetore nuk janë më burimi i vetëm për të mbuluar nevojat dhe ambiciet për zhvillim”, u shpreh ministri Gonxhja.

    Ministri theksoi se një tjetër risi e projektligjit është mundësia që bizneset të mbështesin drejtpërdrejt sportistët dhe artistët që përfaqësojnë Shqipërinë në arenën ndërkombëtare.

    Gonxhja shtoi se nisma synon të modernizojë kuadrin ligjor të vitit 1994, duke iu përgjigjur zhvillimit të turizmit, kulturës dhe sportit në vend.

    “Projektligji e zgjeron ndjeshëm fushën e aktiviteteve me interes publik, duke prodhuar përfitime të drejtpërdrejta në ekonomi, shëndetësi, kohezion social dhe parandalimin e kriminalitetit”, u shpreh ministri Gonxhja në komision.

    Një rëndësi e veçantë i kushtohet edhe ndikimit të eventeve kulturore dhe sportive në zhvillimin e turizmit dhe ekonomisë lokale. Ministri përmendi përvojat e Giro d’Italia 2025 dhe koncertit të YE (Kanye West) në Tiranë, të cilat dëshmojnë potencialin që kanë aktivitetet ndërkombëtare për të tërhequr vizitorë të huaj, për të rritur konsumin dhe për të aktivizuar sektorë si hoteleria, gastronomia, transporti dhe shërbimet.

    Vetëm për këtë vit parashikohen të zhvillohen 3000 evente turistike, sportive e kulturore, ose 21% më shumë se një vit më parë.

    “Megjithëse buxheti i Shqipërisë për artin, kulturën dhe trashëgiminë në vitin 2026 parashikohet rreth 4,8 miliardë lekë, niveli i financimit për banor mbetet rreth 2.030 lekë. Ky tregues është dukshëm më i ulët se në vendet e tjera evropiane”, u shpreh ministri Gonxhja duke shtuar se objektivi për rritjen e kontributit të kulturës në ekonomi sipas standardeve të BE-së, nuk mund të arrihet vetëm me buxhetin e shtetit, por kërkon mobilizim masiv të kapitalit privat.

    Kreu i MTKS-së ka theksuar dhe faktin se projektligji vendos një standard të rreptë transparence, gjurmueshmërie dhe kontrolli. Parashikohet të ketë gjurmueshmëri të plotë financiare si dhe të krijohet një regjistër i posaçëm elektronik, i administruar nga Drejtoria e Përgjithshme e Tatimeve dhe i integruar me platformën e-Albania, ku do të pasqyrohet çdo kontratë dhe çdo transaksion. Parashikohen gjithashtu ndalimi i donacioneve anonime dhe kufizime të posaçme për sektorë të caktuar, me qëllim mbrojtjen e interesit publik dhe shmangien e abuzimeve.

    Projektligji nuk synon të zëvendësojë financimin publik, por ta plotësojë dhe shumëfishojë atë përmes një partneriteti më të strukturuar ndërmjet shtetit, biznesit dhe shoqërisë. 

    Gonxhja projektligji sponsorizimeve
    Share. Facebook WhatsApp
    Demo
    Postimet e reja

    Zvicra planifikon taksë shtesë për cigaret elektronike dhe produktet me nikotinë

    November 19, 2026

    Gonxhja: Projektligji i sponsorizimeve në sport e kulturë, partneritet mes shtetit dhe biznesit

    November 19, 2026

    Bordi i Transparencës cakton çmimet e reja, nafta 201 lekë/litër, benzina 160 lekë

    November 19, 2026

    Nisin punimet e fazës së dytë të ndërtimit të bajpasit të Tiranës

    November 19, 2026
    Mos e humb
    Aktualitet October 16, 2026

    Kaos në aeroportin e Rinasit administruar nga Kastrati! 10 fluturime të anuluara drejt Italisë, pasagjerët pa informacion

    Kaos dhe pakënaqësi në Aeroportin Ndërkombëtar të Rinasit, i cili administrohet nga Kastrati Group, ku…

    Çfarë pritet? Ilegaliteti “ngrin” prej 10 ditësh në Shqipëri! Mbyllen bastet dhe Call Centerat, bien transaksionet me Kriptomonedha

    Dosja/ Biznesmeni Meqemeja i dha Ahmetajt 140 mijë euro! SPAK: Shpërblim për Inceneratorin e Fierit përmes shitjeve fiktive

    ALERT në Slloveni për VIPA Flips të Kosovës, kanë përmbajtje të alergjenësh. Produkti hiqet nga tregu

    Na ndiq
    • Facebook
    • Instagram
    • YouTube
    • TikTok
    RRETH NESH
    RRETH NESH

    Një shikim i thellë në botën e lajmeve, ku teknologjia dhe profesionalizmi takohen për të sjellë lajmet më të fundit dhe të rëndësishme brenda dhe jashtë Shqipërisë. Një burim i besueshëm për informacionin e saktë dhe analizat gjithëpërfshirëse.

    NIPT: M47705501A
    Email: radarlajme@gmail.com
    Kontakt: +355689008000

    HOROSKOPI

    Horoskopi 19 nëntor 2026, zbuloni parashikimet e yjeve

    Horoskopi 18 nëntor 2026, zbuloni parashikimet e yjeve

    Horoskopi 17 nëntor 2026, zbuloni parashikimet e yjeve

    Aleanca Etike e Medias
    © Radar.al. dizenjuar nga 1001solutions

    Type above and press Enter to search. Press Esc to cancel.