Aktualitet

Rama publikon pamje nga stacioni hekurudhor i Vorës: Hekurudha Durrës-Tiranë po i afrohet vijës së finishit

Kryeministri Edi Rama ka publikuar në rrjetet sociale pamje nga stacioni hekurudhor i Vorës, ndërsa ka ndarë një përditësim mbi ecurinë e projektit të hekurudhës Durrës-Tiranë dhe lidhjes së re me Aeroportin Ndërkombëtar të Rinasit.

Përmes një postimi në Facebook, kreu i qeverisë ka publikuar fotografi nga stacioni, duke theksuar se projekti hekurudhor po i afrohet përfundimit.

“Ja edhe stacioni hekurudhor i Vorës, teksa edhe Hekurudha Durrës–Tiranë, me lidhjen e re drejt Aeroportit Ndërkombëtar të Rinasit, po i afrohet më në fund vijës së finishit”, shkruan Rama.

Projekti synon të lidhë qytetin e Durrësit me Tiranën dhe Aeroportin Ndërkombëtar të Rinasit, duke krijuar një alternativë të re transporti për qytetarët dhe udhëtarët që përdorin aeroportin.

JavaScript is required for tabnav widget to work properly.