E enjte, 19 nëntor 2026 DENONCO ANONIM Denonco: +355 69 20 95 843
PUBLIK PUBLIK
Shqiptarët më të shqetësuarit në Ballkan për koston e jetesës, 96.6% të alarmuar nga çmimet dhe inflacioni
Lajme

Shqiptarët më të shqetësuarit në Ballkan për koston e jetesës, 96.6% të alarmuar nga çmimet dhe inflacioni

Shqipëria kryeson vendet e Ballkanit Perëndimor për nivelin e shqetësimit të qytetarëve lidhur me koston e jetesës dhe inflacionin. Sipas rezultateve të anketës SecuriMeter 2026, të realizuar nga Këshilli i Bashkëpunimit Rajonal, 96.6% e të anketuarve në Shqipëri shprehen të shqetësuar për rritjen e çmimeve dhe vështirësitë ekonomike.

Shifra është ndjeshëm më e lartë se mesatarja rajonale, e cila është 83.4%. Pas Shqipërisë renditet Maqedonia e Veriut, ku 93.8% e qytetarëve shprehin shqetësim për këtë çështje.

Në Bosnjë-Hercegovinë, niveli i shqetësimit arrin në 82%, në Malin e Zi në 78.3%, ndërsa në Serbi në 76.3%. Kosova regjistron përqindjen më të ulët në rajon, me 73.7%.

Shqetësimi i shqiptarëve nuk është vetëm i përhapur, por edhe intensiv. Të anketuarit në Shqipëri e vlerësojnë shqetësimin për koston e jetesës dhe inflacionin me mesatarisht 9 pikë nga 10 të mundshme, kundrejt 8 pikëve që është mesatarja rajonale.

Vështirësitë ekonomike pasqyrohen edhe në përballimin e shpenzimeve bazë. Vetëm 50.6% e të anketuarve në Shqipëri deklarojnë se kanë mundësi ta mbajnë banesën mjaftueshëm të ngrohtë gjatë dimrit dhe të freskët gjatë verës. Në rajon, kjo përqindje arrin në 62.4%.

Edhe më problematike paraqitet mundësia për të siguruar një banesë ose një qira të përballueshme. Vetëm 3.6% e shqiptarëve shprehen të kënaqur me mundësitë që kanë për të përballuar një shpenzim të tillë, ndërsa mesatarja rajonale është 24.7%.

Të dhënat tregojnë se kostoja e jetesës dhe inflacioni mbeten ndër shqetësimet kryesore të qytetarëve në Ballkanin Perëndimor, por në Shqipëri presioni ekonomik perceptohet në nivele dukshëm më të larta se në vendet e tjera të rajonit.

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.