VIDEO/ I hodhën hi mbi kokë komisionerit të BE-së për Shëndetësinë në Bruksel, aktivistët: Ky është hiri i njerëzve që do të vrisni me pesticide Grupi rebel i Houthive sulmoi mbrëmjen e djeshme një ndërtesë në Riad në të cilën ndodhen disa agjenci shtetërore të Arabisë Saudite, duke shkaktuar dëme në disa kate të saj.
Siç raportohet nga Reuters, objektivi ishte Kulla e Fondit të Investimeve Publike (Kulla PIF), e cila strehon selinë e fondit sovran të pasurisë së Arabisë Saudite.
Sulmi theu dritaret në shtatë deri në tetë kate dhe deformoi pjesë të fasadës metalike të ndërtesës. Rrokaqielli 80-katësh, 385 metra i lartë dhe ndodhet në Lagjen Financiare të Mbretit Abdullah.
🚨WATCH: Riyadh’s tallest skyscraper, the PIF Tower, sustains heavy facade damage across 7–8 floors following an overnight https://t.co/wayR9U5PYt
— Iran View (@iranview1) November 19, 2026
Mobilizim i menjëhershëm i autoriteteve
Drejtoria e Përgjithshme e Mbrojtjes Civile njoftoi se ekipet e shpëtimit u mobilizuan menjëherë pas sulmit, ndërsa shërbimet kompetente zbatuan të gjitha protokollet e përcaktuara për t’u marrë me incidente të tilla, duke i dhënë përparësi mbrojtjes së jetës dhe pronës njerëzore.
Në të njëjtën kohë, autoritetet saudite e dënuan sulmin, duke e përshkruar shënjestrimin e objekteve civile si një shkelje flagrante të ligjit ndërkombëtar humanitar.
Deklarata thekson se veprimi pasqyron, sipas autoriteteve të mbretërisë, rrezikun që paraqesin taktikat ofensive të Huthit.
Më parë, Mbrojtja Civile kishte dërguar një paralajmërim në telefonat celularë të banorëve të Riadit për një kërcënim të mundshëm ajror. Pak më vonë, një shpërthim i fuqishëm u dëgjua në kryeqytet, ndërsa koalicioni ushtarak i udhëhequr nga Arabia Saudite njoftoi se ishte përballur me një kërcënim raketor nga Huthit.
Sulmi i dytë në lagjen financiare brenda pak ditësh
Sulmi i ri ndodhi më pak se dy javë pas sulmit të 8 nëntorit në një ndërtesë të kompanisë shtetërore të naftës Aramco, në të njëjtën lagje financiare të Riadit.
Houthit e mbështetur nga Irani kanë shtuar sulmet ndaj objektivave saudite, duke përdorur raketa dhe dronë.
Ata kanë shënjestruar aeroporte, porte, objekte nafte dhe infrastrukturë tjetër të rëndësishme në vend, mes luftimeve të ripërtërira në Jemen.
Sulmi i ri ndaj ndërtesës së fondit të pasurisë sovrane nxjerr në pah përshkallëzimin e konfrontimit, pasi ndërtesat që janë qendra të rëndësishme financiare dhe biznesi të Arabisë Saudite po goditen gjithashtu.
Top Channel