Lajmi i fundit

TASK FORCE/ Si do të ndërtohet koalicioni opozitar?

Një kontroll trafiku zbulon organizatën e fuqishme kriminale shqiptare, çmontohen disa plantacione droge

Një kontroll trafiku zbulon organizatën e fuqishme kriminale shqiptare, çmontohen disa plantacione droge

18:12, 19/11/2026
ZMADHO TEKSTIN
+ Aa -

Një kontroll i thjeshtë trafiku në Leuven të Belgjikës në nëntor të vitit 2025 bëri që policia të mund të godasë tani një organizatë kriminale shqiptare aktive në të gjithë Belgjikën. Këtë e bëri të ditur prokuroria të enjten, pas kryerjes së tetë kontrolleve të banesave më herët gjatë ditës. 

Nga Hannelore Smits, GVA

Hetimi nisi pasi shërbimet policore kontrolluan një automjet me qira gjatë një aksioni trafiku. Brenda tij, agjentët hasën sende të ndryshme që shpesh lidhen me plantacionet e kanabisit.

Bëhet fjalë për ambalazhe bosh të pajisjeve elektrike të ngrohjes, një rrotull shiriti errësues, një sasi të konsiderueshme qeskash të vogla bosh dhe disa tufa çelësash.

“Në bazë të këtyre konstatimeve u kryen hetime të mëtejshme për vende të mundshme të kultivimit të kanabisit në zonë”, bëhet e ditur nga prokuroria e Leuvenit.

“Kjo çoi në identifikimin e një organizate të dyshuar kriminale shqiptare, e specializuar në ngritjen dhe shfrytëzimin e plantacioneve profesionale të kanabisit të shpërndara në territorin belg”.  

Plantacione aktive kanabisi

Sot, e enjte 19 nëntor, pra pak më shumë se një vit pas kontrollit të trafikut, u kryen tetë kontrolle banesash në Brasschaat, Bree, Jemappes, Jemeppe, Leuven, Liezh (Luik), Schilde dhe Wommelgem.

“Gjatë aksionit të koordinuar u arrestuan tre persona të dyshuar”, thotë prokuroria. “Një burrë 26-vjeçar në Brasschaat, një burrë 26-vjeçar në Jemappes dhe një burrë 34-vjeçar në Wommelgem”.

Gjatë kontrolleve të banesave në Brasschaat dhe Jemappes u gjetën dhe u çmontuan plantacione profesionale aktive kanabisi. Në Brasschaat u zbulua një plantacion kanabisi me më shumë se 1.500 bimë kanabisi.

Në vende të tjera hetuesit konstatuan gjurmë që tregojnë për shfrytëzim të mëparshëm të plantacioneve të kanabisit.

Gjatë kontrolleve u sekuestruan gjithashtu para në dorë (cash) dhe materiale për prodhimin e kanabisit.

Në disa vende u konstatuan lidhje të paligjshme të energjisë elektrike.

Bashkëpunimi

“Aksioni në shkallë të gjerë mundi të mbështetej në angazhimin dhe mbështetjen e specializuar nga shërbime të ndryshme policore dhe partnerë, si qentë për zbulimin e drogës dhe parave të DACH-it, dhe ekipi i dronëve i CSD Limburg.

Laboratorët gjyqësorë të Limburgut, Liezhit dhe Anversë ndihmuan në hetimin e gjurmëve dhe Mbrojtja Civile ofroi ndihmë për zbrazjen dhe asgjësimin e plantacioneve të kanabisit. Në aksion morën pjesë edhe zona të ndryshme lokale policore, ndër të cilat PZ Voorkempen, PZ Minos, PZ Mons-Quévy dhe PZ CARMA”.

Të dyshuarit do të dalin të enjten dhe të premten para gjyqtarit hetues, i cili duhet të vendosë për një urdhër-arresti eventual. Do të vijojnë gjithashtu hetime të mëtejshme.

© SYRI.net

Lexo edhe:

Denonco