E enjte, 19 nëntor 2026 DENONCO ANONIM Denonco: +355 69 20 95 843
PUBLIK PUBLIK
Tensione para Kryeministrisë, policia shtyn me forcë qytetarët drejt trotuarit
Lajme

Tensione para Kryeministrisë, policia shtyn me forcë qytetarët drejt trotuarit

Situata është tensionuar sërish para godinës së Kryeministrisë, ku qytetarët e mbledhur në protestë janë përballur me ndërhyrjen e forcave të Policisë së Shtetit.

Efektivët e FNSH-së dhe të forcave Shqiponja kanë ndërhyrë për të larguar protestuesit nga bulevardi “Dëshmorët e Kombit”, duke i shtyrë me forcë drejt trotuarit, pranë godinës së Kuvendit.

Mes personave të zhvendosur me forcë nga policia kishte të rinj, aktivistë dhe qytetarë që ishin mbledhur për të zhvilluar tubimin e tyre. Ata kanë kundërshtuar ndërhyrjen e uniformave blu dhe nuk kanë pranuar të largohen nga zona ku ishin grumbulluar.

Policia ka kërkuar që protestuesit të mos qëndrojnë në mes të bulevardit, duke i orientuar drejt trotuarit. Ndërkohë, ndërhyrja fizike ka shkaktuar tensione mes qytetarëve dhe efektivëve.

Pavarësisht përplasjes me policinë, protestuesit kanë vijuar të qëndrojnë të grumbulluar pranë Kuvendit, duke këmbëngulur në vijimin e tubimit të tyre.

 

Na ndiqni në YouTubeVideo, intervista dhe transmetime nga PUBLIK TV Abonohu

Keni një histori? Denonco anonimisht, identiteti juaj mbrohet.

Denonco
DENONCO

Zëri yt bëhet lajm.

Bëhu pjesë aktive e Publik.al. Raporto çdo padrejtësi, korrupsion apo ngjarje, me foto dhe video. Identiteti yt mbrohet nga redaksia.