Era e fortë që ka përfshirë vendin ka shkaktuar probleme në rrjetin e shpërndarjes së energjisë elektrike, duke lënë qytetin e Pukës pa energji prej rreth tre orësh.

Stakimet dhe rikthimet e energjisë elektrike janë kthyer në një problem të përsëritur ditët e fundit për banorët e zonës.

Mungesa e shërbimeve dhe ndërhyrjeve të nevojshme në rrjet duket se ka rikthyer ndërprerjet e energjisë, duke shkaktuar vështirësi për qytetarët dhe bizneset në qytetin e Pukës.

Ndërkohë, era e fortë vijon të përbëjë një shqetësim për furnizimin me energji elektrike, ndërsa banorët presin rikthimin e shërbimit.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: