Një pjesë e fasadës së një pallati në lagjen nr. 1 në Durrës pranë Universitetit, është shkëputur duke vënë në rrezik jetën e kalimtarëve.
Si pasojë e rënies së materialeve është dëmtuar edhe një automjet i parkuar pranë pallatit.
Pas incidentit të regjistruar në pallatin shumëkatësh në rrugën e Currilave, në vendngjarje kanë mbërritur edhe efektivët e zjarrfikëses, ata të policisë dhe shërbimi i ambulancës.
Pallati është rrethuar me shiritat e sigurisë për të paralajmëruar qytetarët për rrezikun.
Në Durrës shpesh herë kanë ndodhur ngjarje të tilla, të cilat rrezikojnë sigurinë e qytetarëve, veçanërisht të këmbësorëve që lëvizin pranë ndërtesave.













