UEFA dënon FFK-në me 42 mijë euro gjobë, pezullohet edhe një sektor i “Fadil Vokrrit
UEFA ka dënuar Federatën e Futbollit të Kosovës (FFK) me gjithsej 42,250 euro gjobë për katër shkelje disiplinore gjatë ndeshjes ndaj Izraelit, e zhvilluar më 14 nëntor në stadiumin “Fadil Vokrri”, e cila përfundoi me rezultat 0:0.
Sipas vendimit të Trupit të Kontrollit, Etikës dhe Disiplinës (CEDB), gjobat përfshijnë transmetimin e një mesazhi të papërshtatshëm, pengesat gjatë intonimit të himneve, sjelljet raciste dhe diskriminuese, si dhe hedhjen e gjësendeve në fushë.
Përveç gjobës, UEFA ka shqiptuar edhe masën e mbylljes së sektorit L2 të stadiumit “Fadil Vokrri” për ndeshjen e ardhshme si vendase në garat e UEFA-s.
Megjithatë, kjo masë është pezulluar për një periudhë prove prej dy vitesh dhe do të aktivizohet në rast të përsëritjes së shkeljeve të ngjashme.















