GTA 6 nuk është thjesht një lojë, këto shifra tregojnë pse po flitet kaq shumë për të
GTA 6 është padyshim një nga videolojërat më të mëdha në histori, por shifrat që lidhen me të mund të jenë edhe më befasuese sesa pritej.
Ja disa nga statistikat më interesante:
1.65 miliardë dollarë – Rockstar Games vlerësohet se ka gjeneruar vetëm nga porositë paraprake, me mbi 17 milionë kopje të porositura.
93 milionë shikime në 24 orë – Traileri i parë i GTA 6 theu rekordin e YouTube si videoja jo muzikore më e shikuar brenda një dite.
Deri në 5 miliardë dollarë – Të ardhurat që GTA 6 mund të gjenerojë vetëm gjatë javës së parë të shitjeve, sipas vlerësimeve të kompanisë kërkimore Newzoo.
1 deri në 2 miliardë dollarë – Kostoja e vlerësuar e zhvillimit të lojës. Për krahasim, ndërtimi i Burj Khalifa në Dubai kushtoi rreth 1.5 miliardë dollarë.
Mbi 475 milionë kopje – Numri i përgjithshëm i kopjeve të shitura të serisë GTA në mbarë botën, sipas JPMorgan. Kjo është e barabartë me afërsisht një kopje për çdo 18 banorë të planetit.
9.2 miliardë orë shikime – GTA 5 është ndjekur për kaq shumë orë në platformën Twitch, sipas agjencisë Dark Horse. Kjo është e barabartë me më shumë se një milion vjet shikime të pandërprera.
Këto shifra dëshmojnë ndikimin e jashtëzakonshëm të serisë Grand Theft Auto në industrinë globale të videolojërave dhe pritshmëritë e mëdha për GTA 6. /Telegrafi/




























