Bota

Grevë e përgjithshme në Itali/Preken shkollat, spitalet dhe transporti publik!

Italia sot përballet me një grevë të përgjithshme 24-orëshe, e cila pritet të shkaktojë probleme në shkolla, spitale, administratën publike dhe transportin urban.

Protesta është organizuar nga sindikata CGIL, në shenjë kundërshtimi ndaj rritjes së kostos së jetesës dhe politikave të qeverisë. Sindikatat kërkojnë rritje të pagave dhe pensioneve, më shumë investime në shëndetësi e arsim, si dhe masa kundër pasigurisë në punësim.

Në grevë pritet të përfshihen edhe punonjësit e autobusëve, tramvajeve dhe metrosë, duke respektuar oraret e shërbimeve të garantuara në qytete të ndryshme. Shkollat mund të kenë ndryshime në orare ose pezullim të mësimit, në varësi të pjesëmarrjes së personelit.

Transporti ajror dhe greva e përgjithshme nuk prekin trenat, por një tjetër protestë sindikale do të prekë transportin hekurudhor nga ora 21:00 e së premtes deri në orën 20:00 të së shtunës, më 21 nëntor.

Në të njëjtën ditë është parashikuar edhe mobilizimi ndërkombëtar i studentëve, me protesta në disa qytete italiane.

JavaScript is required for tabnav widget to work properly.