Drejtori i Përgjithshëm i Agjencisë së Mbikëqyrjes Policore (AMP), Klevis Qose, ka zhvilluar një takim zyrtar në Athinë me homologun grek, Gjeneral Brigade Ioannis Dimitrakopoulos, në praninë e përfaqësuesve të OSBE-së.

Në fokus të takimit ishte forcimi i bashkëpunimit institucional mes dy vendeve dhe konkretizimi i një marrëveshjeje dypalëshe ndërmjet agjencive homologe.

Bashkëpunimi synon parandalimin, identifikimin dhe goditjen e veprimtarive të paligjshme, si dhe rritjen e integritetit dhe forcimin e mekanizmave të kontrollit në strukturat ligjzbatuese.

Takimi në Athinë vjen në kuadër të angazhimeve për zgjerimin e bashkëpunimit mes institucioneve shqiptare dhe greke në fushën e mbikëqyrjes policore.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb