Friday / November 20 / 2026
Revista Monitor Logo
hamburger menu icon

mbyll

close icon
Ads
Lajmet Kryesore Nga Vendi

“Gremisja” e Euro nuk ndalet, bie për herë të parë poshtë kufirit të 90 lekëve, nga eurobondi?!

Share Share Icon

“Gremisja” e Euro nuk ndalet, bie për herë të parë poshtë kufirit të 90 lekëve

 

Euro e ka mbyllur këtë javë në rënie të mëtejshme dhe ka zbritur për herë të parë poshtë kufirit të 90 lekëve. Sipas kursit zyrtar të këmbimit të Bankës së Shqipërisë, monedha europiane u këmbye sot me 89.78 lekë, niveli më i ulët i regjistruar ndonjëherë. Brenda një jave, Euroja ka humbur pothuajse një Lek në kursin e këmbimit. Rënia vjetore e kursit Euro-Lek ka arritur në 7.1%, më e larta në tre vitet e fundit.

Burimet nga tregu bëjnë të ditur se Banka e Shqipërisë ka ndërhyrë për të blerë Euro, me qëllim frenimin e rënies së kursit, por efekti i kësaj ndërhyrjeje ka qenë i kufizuar.

Sipas informacionit mbi ndërhyrjet në tregun e parasë, vetëm për gjysmën e parë të vitit 2026 Banka e Shqipërisë ka blerë afërsisht 664 milionë euro në tregun e brendshëm valutor, që u shtohen më shumë se dy miliardë eurove të blera në periudhën 2024-2025.

Agjentët e këmbimit valutor besojnë se rënia e shpejtë e javës së fundit mund të jetë e lidhur me pozicionin në shitje të valutës që kanë marrë disa banka të rëndësishme të sektorit. Arsyeja kryesore besohet të jetë pagesa e kuponit të njërit prej Eurobondeve të qeverisë shqiptare javën e ardhshme. Bankat shqiptare janë ndër blerësit kryesorë të Eurobondeve shtetërore dhe si rrjedhim edhe ndër përfituesit kryesorë të kuponeve të paguara për to.

Ndërkohë që zhvlerësimi i Euros është një fenomen që po zgjat prej më shumë se një dekade, gjatë vitit 2026 kjo rënie është shpejtuar sërish, pas ngadalësimit të vitit të kaluar. Rënia e Euros nisi që në tremujorin e parë të vitit, për t’u shpejtuar gjatë tremujorit të dytë dhe të tretë, në linjë edhe me pritshmëritë sezonale. Ndërkohë, rënia po vazhdon edhe në muajt e fundit të vitit, eduke dëshmuar në thelb një tepricë të ofertës së valutës në tregun e brendshëm.

Banka e Shqipërisë vlerëson se faktori kryesor në forcimin e Lekut është përmirësimi i pozicionit të jashtëm të ekonomisë.

Statistikat e Bankës së Shqipërisë tregojnë një përmirësim të ndjeshëm të Bilancit të Pagesave edhe në gjysmën e parë të këtij viti. Për 6-mujorin 2026, deficiti i llogarisë korrente pësoi rënie me 41% krahasuar me të njëjtën periudhë të vitit të kaluar. Deficiti i llogarisë korrente për 6-mujorin ka shënuar njëkohësisht nivelin më të ulët që prej vitit 2018. Ulja e deficitit ka ardhur kryesisht nga rritja e eksporteve të shërbimeve dhe nga remitancat.

Ndikim të rëndësishëm në bilancin e përgjithshëm duket ka dhënë edhe rritja e fortë e investimeve të huaja direkte. Për të gjithë 6-mujorin 2026, vlera e përgjithshme e investimeve të huaja direkte arriti në 1.144 miliardë euro, me një rritje prej 50% krahasuar me të njëjtën periudhë të vitit të kaluar.

Një Efekt shtesë duket se po ushtron edhe suficiti i lartë fiskal, që po ul ofertën e Lekut në treg. Për 9-mujorin 2026, buxheti ishte në suficit në vlerën e 70.2 miliardë lekëve, në rritje me 54% krahasuar me të njëjtën periudhë të një viti më parë.

 

 

Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

Leave a Reply

Your email address will not be published. Required fields are marked *

Ekskluzive Monitor Top 1,000

Publikohen për herë të parë treguesit financiarë të 1000 kompanive më të mëdha në vend. Renditja e grupeve kryesore!

Eksploro Top List
Live Now

Lajme të Ngjashme

Fermerët japin alarmin, vaji i ullirit mbetet stok, industrialistët propozojnë masat urgjente

Vaji i ullirit po mbetet stok në shtëpitë e fermerëve, pasi rënia e çmimit në rreth 300 lekë për litër, nën koston e prodhimit ka bllokuar grumbull...

1 hour më parë 8 Min Lexim

31% e shqiptarëve nuk përmbushin nevojat bazë të jetesës, sa pesëfishi i BE-së, trefishi i Ballkanit

31,2% e popullsisë në Shqipëri nuk mund të përballonte dot të paktën shtatë nga 13 nevoja dhe aktivitete të jetës së përditshme në vitin 2025, sipa...

2 hours më parë 5 Min Lexim
Ads
collaps icon

Rrisni limitin e artikujve në 400 në muaj FALAS! Regjistrohu Falas!

Rrisni limitin e artikujve në 400 në muaj FALAS!

Si përdorues i paregjistruar, mund të lexoni vetëm 200 artikuj në muaj. Mund ta rrisni këtë limit duke krijuar një llogari FALAS në faqen tonë.

Regjistrohu FALAS!