Goditje të fortë të krimit të organizuar, policia shqiptare marrëveshje me atë britanike

20 Nëntor 2026 | 14:04

Policia e Shtetit shqiptar dhe agjencitë ligjzbatuese britanike pritet të intensifikojnë bashkëpunimin në luftën kundër krimit të organizuar dhe krimeve të rënda. Në një takim të zhvilluar në Tiranë, palët kanë diskutuar zgjerimin e partneritetit dhe shtimin e operacioneve të përbashkëta.

Drejtori i Përgjithshëm i Policisë së Shtetit, Skender Hita, priti në ambientet e Drejtorisë së Përgjithshme Koordinatorin e Policive Britanike për Ballkanin Perëndimor, Nick Bellingham, dhe delegacionin që e shoqëronte.

Gjatë takimit, ku morën pjesë edhe drejtues të departamenteve të Policisë Kriminale, Marrëdhënieve Ndërkombëtare dhe Institutit të Policisë Shkencore, u vlerësuan rezultatet e deritanishme të bashkëpunimit dhe u përcaktuan fushat ku do të përqendrohen përpjekjet e ardhshme.

Kreu i Policisë së Shtetit vlerësoi kontributin e agjencive britanike, duke veçuar si shembull të suksesshëm Task-Forcën e përbashkët kundër migracionit të paligjshëm, e cila, sipas tij, ka sjellë rezultate konkrete dhe goditje ndaj grupeve të krimit të organizuar.

Një tjetër aspekt i rëndësishëm i bashkëpunimit është shkëmbimi i ekspertizës dhe asistenca e ndërsjellë në fushën e Policisë Shkencore, që ka ndikuar në forcimin e kapaciteteve hetimore dhe dokumentimin e provave.

Nga ana e tij, Nick Bellingham e cilësoi bashkëpunimin me Policinë e Shtetit si një model të suksesshëm të partneritetit ndërkombëtar, duke shprehur gatishmërinë e palës britanike për të vijuar mbështetjen.

Në fokus të bashkëpunimit të ardhshëm do të jetë ngritja dhe shtimi i ekipeve të përbashkëta hetimore për goditjen e krimit të organizuar dhe krimeve të rënda, si dhe specializimi i strukturave shqiptare në luftën kundër krimit kibernetik dhe pastrimit të parave, përmes trajnimeve dhe ekspertizës britanike.

Palët diskutuan gjithashtu për asistencën teknike dhe profesionale për përfundimin e procesit të akreditimit të Institutit të Policisë Shkencore, me synim garantimin e standardeve më të larta në ekspertizën kriminalistike dhe hetimet policore.

Home Kryefaqja
Shiko në: YouTube
Lajme të Sugjeruara

Banorët u ankuan për zhurmat në lokalin te “Komuna e Parisit”, policia procedon 2 administratorët

Policia ka ushtruar kontrolle në një lokal në zonën e “Komunës së Parisit” në Tiranë, pas ankesave të disa banorëve për muzikë me volum të...
13:11 | 20/11/2026

Protesta e djeshme në Tiranë, procedohen penalisht 3 persona, vendosen 29 gjoba në 48 orë

Policia e Tiranës ka proceduar penalisht 3 persona për veprime të paligjshme gjatë protestës së djeshme. Gjithashtu, mësohet se gjatë 48 orëve të fundit, janë...
12:53 | 20/11/2026

Arrestohet i riu në Tiranë, dyshohet se kanosi 31-vjeçarin për 600 mijë lekë

Një 20-vjeçar është arrestuar nga Policia e Tiranës, pasi dyshohet se ka kanosur me armë zjarri një 31-vjeçar për t’i marrë një shumë prej 600...
12:25 | 20/11/2026